"NOT" (Contén)

SEMANARIOS

Semanario publicado en Ribadavia a partir do 15 de outubro de 1910. Cesou en outubro de 1936. Editouse cos subtítulos “Semanario de Ribadavia”, “Periódico de Ribadavia” (1913), “Semanario de mayor circulación de la provincia” (1920) e “Órgano oficial del sindicato Vitivinícola Comarcal”, a partir do 17 de novembro de 1929. Fundado e dirixido polo seu propietario, Emilio Canda, saíu os domingos con información local e comarcal, contos, vida social, humor e información do sindicato. De tendencia católica, declarouse apolítico ata que se converteu en voceiro do deputado conservador Xosé Estévez Carrera e, na Segunda República, definirse pro-CEDA e contrario á autonomía de Galicia. Foi o rival do xornal liberal El Ribadaviense.

PUBLICACIÓNS

Publicación aparecida en Bos Aires a partir de 1889. Dirixida por Manuel Lema, amosou unha fonda preocupación pola situación social, política e económica de Galicia. Publicou unha posible “Constitución Rexional para o futuro Estado de Galicia” e chegou a defender a necesidade da confrontación violenta para acadar os dereitos nacionais que Galicia non conseguía polas vías legais.

SEMANARIOS

Semanario publicado en Pontevedra a partir de febreiro de 1896. Non cesou antes de maio de 1943. Apareceu cos subtítulos “Semanario destinado á fomentar los intereses morales y materiales del Magisterio”, “Semanario destinado á fomentar los intereses morales y materiales del Magisterio de 1ª Enseñanza y organizador del 3º Certamen Pedagógico Español”, a partir de 1897, e “Revista de primera enseñanza”. Continuou coa numeración do seu predecesor, El Noticiario, e foi dirixido polo seu propietario, Xosé López Pérez. Tras o seu falecemento (1896), o seu fillo Bernardino López S. Cobián fíxose cargo do xornal que, despois da Guerra Civil Española, foi administrado por Eladio Portela Gómez. Editado nos obradoiros da Viúva e Fillos de Carragal, saíu todos os luns mantendo o mesmo tipo de contido ca os seus predecesores (doutrinais e disposicións lexislativas). A partir de agosto de 1897 convocou un Certame Pedagóxico e saíu os días 4, 11, 18 e 25 de cada mes.

DIARIOS

Diario en castelán editado en Barcelona desde o 15 de abril de 1885 ata outubro de 1985. Fundado e dirixido por Francesc Peris i Mencheta, foi o primeiro diario vespertino que saíu en Barcelona. Xornal con traxectoria independente, conseguiu e conservou unha notable audiencia. Prestou atención ás novas de última hora, e o seu cadro de colaboradores literarios foi moi amplo. De pensamento liberal e aberto ao contraste de opinións, intentou reflectir a realidade catalá.

1. 1. Acción e efecto de notificar.

   2. Acto mediante o que se comunica, dunha maneira auténtica, a unha persoa determinada ou aos seus representantes legais, a resolución xudicial ou administrativa dunha autoridade. A partir dese momento comeza o prazo para cumprir aquilo que se decidiu, exercitar accións ou interpor recursos.

   3. Acto unilateral, en dereito internacional, polo que se dá a coñecer un documento ou unha situación.

2. Escrito con que se notifica algunha cousa.

1. Facer saber algunha cousa a alguén, darlle coñecemento ou noticia.

2. Comunicar formalmente ao seu destinatario unha resolución administrativa ou xudicial.

PERSOEIRO

Escultor e xilógrafo alemán. A súa obra representa o gótico flamíxero nas súas últimas consecuencias. Atribúenselle numerosas obras, aínda que moitas son traballos do seu taller. Destacan o Retablo da Paixón da catedral de Århus (Dinamarca) e o San Xurxo e o dragón da igrexa de San Nicolao de Estocolmo.

PERSOEIRO

Monxe e escritor suízo. Mestre e bibliotecario do mosteiro de Sankt Gallen, contribuíu ao desenvolvemento do texto e das melodías das secuencias relixiosas. Consérvanse as Gesta Caroli Magni, un amplo Martyrologium e unha Notatio de illustribus viris sobre diversos comentadores da Biblia.

PERSOEIRO

Escritor. Monxe do mosteiro de Sankt Gallen, foi un dos máis grandes estilistas da literatura alemá. Divulgador dos clásicos, que traduciu ao alemán, comentou a Boecio, Aristóteles e os Salmos. A súa obra está formada por algúns dos textos máis antigos e de máis relevancia da lingua xermánica.

PERSOEIRO

Fotógrafo escocés. En 1856 emigrou a Canadá e estableceu en Montréal un estudo fotográfico onde aplicou as técnicas fotográficas do daguerrotipo aprendidas na súa cidade natal. Documentou construcións da época, como a inauguración da ponte Vitoria (1860) por Eduardo VII, e especializouse en retratos de estudo das clases acomodadas. Abriu estudios en Otawa, Boston, Nova York ou Pennsylvania, contratou outros fotógrafos e experimentou con escenas montadas en interiores e exteriores. Consérvanse máis de 400.000 fotografías na denominada Notman Collection, no McCord Museum de Montréal.