"RAM" (Contén)

MONTES

Monte situado na parroquia dos Vilares (Guitiriz). O seu cumio acada os 587 m de altitude.

FILOSOFOS

Filósofo mexicano. Desenvolveu unha antropoloxía filosófica dirixida a proporcionar as bases para a afirmación da liberdade, a personalidade, e a vida espiritual do home fronte aos resultados da civilización. Entre as súas obras destacan El perfil del hombre y la cultura en México (1934), Más allá de la moral de Kant (1938), Hacia un nuevo humanismo (1942) e Estudio de estética (1963).

PERSOEIRO

Frautista. Iniciou a súa carreira como solista en 1945. En París, xunto co Quinteto de Vento, formou o Conxunto Barroco de París. Conseguiu en varias ocasións o Grand Prix du Disque e outros moitos premios. Escribiu La flûte (1978).

1. Terreo que fai pendente.

2. 1. Plano inclinado, situado entre dúas superficies de diferente nivel, que se usa, especialmente, para poder subir e baixar cargas reducindo esforzos.

   2. rampla de lanzamento /

      Construción en plano inclinado desde a que se efectúa o lanzamento de proxectís autopropulsados ou de mísiles.

3. Zona onde, a través dun plano de encabalgamento, unha masa rochosa sobe sobre outra.

4. Función que crece de maneira lineal co tempo desde cero ata un valor determinado, de acordo polo tanto coa expresión f(t)=kt. É unha función empregada sobre todo en análise transitoria de circuítos eléctricos e sistemas complexos.

CIDADES

Cidade do estado de Uttar Pradēsh, India, situada na conca do Ganges (242.752 h [1991]). Posúe un importante mercado de grans, cana de azucre, algodón e tabaco.

PERSOEIRO

Poeta, libreiro e editor escocés. Autor de poemas satíricos e humorísticos, a súa obra principal é o drama pastoral The Gentle Shepherd (1725). A publicación de The Ever Green (1724), antoloxía recollida por G. Bannatyne, marcou novos camiños na poesía escocesa do s XVIII.

PERSOEIRO

Pintor escocés, fillo de Allan Ramsay. Retratista, en 1739 iniciou unha brillante carreira a Londres, onde en 1761 foi nomeado pintor do Rei Xurxo III de Inglaterra. Das súas obras destacan os retratos George III, Queen Charlotte e Sir John Tyrell.

PERSOEIRO

Político escocés, I marqués de Dalhousie. Membro da Cámara dos Comúns (1837) e da Cámara dos Lores (1838), foi partidario das doutrinas do libre cambio. Gobernador xeral de India (1848-1856), durante o seu mandato aumentou o dominio británico.

PERSOEIRO

Químico escocés. Aínda que comezou os seus estudos en química orgánica, as súas achegas máis importantes estiveron relacionadas cos gases nobres. Traballou tamén con Soddy na desintegración do radio (1904). Publicou, entre outras obras, The Gases of the Atmosphere (1896) e Modern Chemistry (1900). Recibiu o Premio Nobel de Química (1904) polo descubrimento dos gases inertes do aire (gases nobres) como o helio, coa axuda de P. T. Cleve, ou o argon, xunto con Rayleigh e a determinación da súa posición na táboa periódica.

PERSOEIRO

Mecánico e técnico inglés. Construíu diversos instrumentos de física, sobre todo de óptica, e en 1768 inventou unha máquina electrostática. Tamén estudou a expansión dos metais e estableceu un método para trazar círculos graduados.

PERSOEIRO

Eclesiástico inglés. Bispo de Durham (1940) e de York (1956), foi nomeado arcebispo de Canterbury e primado de Inglaterra en 1961, cargo ao que renunciou ao cumprir 70 anos (1974). Como ecuménico, ocupou unha das seis presidencias do Consello Ecuménico das Igrexas (1961), visitou a Paulo VI en Roma (1966) e estableceu contactos con teólogos e pastores de diversas confesións.

FILOSOFOS

Filósofo e matemático inglés. Seguidor en parte de L. J. J. Wittgenstein, propuxo algunhas modificacións nos Principia Mathematica de B. A. W. Russell e A. N. Whitehead. A maioría dos seus traballos recóllense no volume póstumo The Foundations of Mathematics an Other Logical Essays (1931).