Capital do il homónimo, na rexión de Anatolia Central, Turquía (45.700 h [1990]). Corresponde á antiga Gangra ou Germanicopolis, capital do reino de Paflagonia que posteriormente formou parte da provincia romana de Galacia. Nos primeiros tempos do cristianismo foi a sede metropolitana de Paflagonia, onde se celebrou no 350 o sínodo de Gangra, de grande importancia doutrinal e disciplinaria, de feito, o Concilio de Caledonia considerou os seus 20 canons de valor ecuménico.
