"Abelaira" (Contén)

PERSOEIRO

Escritor portugués.
A súa obra sitúase na evolución do neorrealismo cara ás novas alternativas técnicas.
Entre os seus títulos máis sobranceiros cómpre mencionar A cidade das flores (1959), Os desertores (1960), As boas intenções (1963), Enseada amena (1966), Bolor (1968), O bosque harmonioso (1982), cambiante e escéptico anti-romance histórico, Único animal que.. (1985), Deste modo ou daquele (1990), romance de desencontro no amor, e Outrora agora (1996).
Tamén se dedicou ao teatro, escribindo pezas como A palavra é de oiro (1961) e O nariz de Cleópatra (1962).

PERSOEIRO

Músico. Catedrático de Historia da Música da Universidade de Santiago de Compostela, director do grupo In Itinere e asesor musical da Fundación Barrié de la Maza, fundou o Grupo Universitario de Cámara de Compostela. Director da revista musical Salinas, publicou Os vilancicos galegos de Melchor López (1980), con Joam Trillo; La música medieval en Galicia (1982), Polifonía sacra galega (1982), con Joam Trillo; El Pórtico de la Gloria (1988) e Los villancicos gallegos de la catedral de Mondoñedo (1989). Recibiu o Premio da Crítica Galicia (1986).