"Alberguería" (Contén)

Pousada ou mesón que se podía encontrar, na época medieval, ao longo do Camiño de Santiago, co propósito de acoller e atender os peregrinos que por alí pasaban e paraban. Hoxe en día serven como lugar de concentración dun elevado número de romeiros ou peregrinos que atopan un lugar no que repoñer forzas para continuar o camiño na súa visita á tumba do Apóstolo.

Antiga parroquia baixo a advocación de santa María, do concello da Veiga, que desapareceu en 1950 debido a que a súa única entidade de poboación quedou asolagada polo encoro de Prada.