"Amadeu" (Contén)

LAGOS

Lago salgado de Australia, no territorio setentrional. Ten unha superficie que oscila entre os 5.000 e os 8.000 km2 segundo o réxime estacional de choivas. Atópase entre as cordilleiras de Macdonnell e Musgrave, a 450 m de alt.

PERSOEIRO

Poeta e crítico literario sueco. Formado no Prerromanticismo sueco, constituíuse en abandeirado do grupo literario Auroraförbundet. Toda a súa obra é unha procura da arte en si mesma, da poesía pura. Compuxo unha serie de poemas dramáticos recollidos baixo os títulos de Fagel Bla (O paxaro azul, 1814) e Lycksalighetens Ö (A illa da felicidade, 1824-1827).

PERSOEIRO

Pintor portugués. Formouse na Academia de Belas Artes de Lisboa e en 1906 trasladouse a París onde traballou como debuxante e caricaturista. Coñeceu as propostas de Modigliani e do cubismo. Baixo a influencia de Delanunay, evolucionou cara á abstracción decorativa e colorista plasmada en Cavaleiros. En 1913 participou nos EE UU, xunto con outros artistas cubistas, na mostra Amor e Show. Regresou a Portugal en 1914 e axiña entrou en contacto co grupo futurista. As súas últimas obras estiveron marcadas pola mestura das propostas vangardistas europeas.

PERSOEIRO

Escultor. A súa obra evolucionou dende a figuración ata a abstracción. Creou unha linguaxe persoal e reiterada con pranchas metálicas furadas. Realizou obras de carácter monumental, entre outras, Homenaje a la Investigación Espacial, na Central Hidroeléctrica de Castrelo de Miño (1969), e Estela de Venus IV, no Museo de Escultura al Aire Libre do Paseo de La Castellana (Madrid, 1972).

PERSOEIRO

Escritor e compositor alemán. Como compositor estreou singspiele, titulados Die Lustige Musikenten (Os músicos divertidos, 1805) e Undine (1816), unha das primeiras óperas románticas. Como escritor destacou con Der goldene Topf (A pota de ouro, 1812) e Nussknacker und Mäusekönig (Crebanoces e o rei dos ratos, 1816).

PERSOEIRO

Compositor austríaco. Os seus dotes musicais prodixiosos foron axiña observados polo seu pai, que decidiu educalo e, á vez, exhibilo, xuntamente coa irmá maior Maria Anna Nannerl, como fonte de ingresos. En 1763 emprendeu unha viaxe grazas á que coñeceu a orquestra e o estilo de Mannheim, a música francesa en París e o estilo galante de J. Ch. Bach en Londres. En Milán coñeceu a G. B. Sammartini, e en Boloña a G. B. Martini. Destes anos datan os primeiros cuartetos para corda, as sinfonías K 183, 199 e 200 (1773), o concerto para fagot K 191 (1774), as óperas La finta giardiniera (1775) e Il re pastore (1775), diversos concertos para piano, a serie de concertos para violín e as primeiras sonatas para piano (1774-1775). En París, onde marchou con súa nai en 1777, estreou a sinfonía K 297 e un ballet. Nos anos seguintes compuxo as sinfonías K 318 e 319 e a ópera Idomeneo, re di Creta (Múnic, 1781), influída por Gluck, que foi a primeira das súas grandes...

PERSOEIRO

Arquiveiro e bibliotecario. Dirixiu, entre outras, a biblioteca privada de Afonso XIII. Foi fundador e primeiro presidente (1949) da Associació Nacional d’ Arxivers, Bibliotecaris i Arqueòlegs. Organizou a biblioteca xeral do CSIC e foi director do Instituto Nacional de Bibliografía Nicolás Antonio, do que dirixiu a revista Bibliografía Hispana.

PERSOEIRO

Compositor. Fundou con Lluís Millet o Orfeó Catalá. Das súas máis de 100 óperas lixeiras, destacan Arthus (1897), Balada del carnaval (1919), Maruxa (1914) ou Doña Francisquita (1928).