"Bayeux" (Contén)

Mostrando 2 resultados de 2.

  • Bayeux
    Escoitar

    CIDADES

    Cidade do departamento de Calvados, na Baixa Normandía, Francia, centro do Bessin (14.704 h [1990]). Mercado agrícola e pequeno núcleo industrial (imprenta e plásticos); a súa manufactura tradicional de encaixes ten moita sona. A catedral de Notre-Dame, edificada orixinariamente no s XI, foi reconstruída no s XIII e é unha mostra típica do gótico normando. O museo da Raiña Matilde contén o Tapiz de Bayeux. Cidade de orixe galorromana, foi saqueada numerosas veces por causa das invasións normandas -ata a formación de Normandía, no s X-, da Guerra dos Cen Anos (1356) e das guerras de relixión. Durante a Segunda Guerra Mundial estivo en poder dos nazis ata que foi conquistada polos aliados en 1944.

    VER O DETALLE DO TERMO
  • Bayeux, Tapiz de
    Escoitar

    Denominación coa que é coñecido o bordado de 70,34 m por 50,55 cm que se conserva no museo da Raíña Matilde de Bayeux. Tamén recibe o nome de Tapiz da Raíña Matilde. Estímase que foi realizado entre os anos 1080 e 1090. É unha obra de notable realismo e consta dunhas 70 escenas que representan a conquista normanda de Inglaterra. Trátase dunha das raras pezas medievais de tema profano.

    VER O DETALLE DO TERMO