Concello da provincia de Badajoz, Extremadura, situado na serra de Bienvenida, ao N de Sierra Morena (2.371 h [1996]). A súa economía baséase nas actividades agrícola e gandeira. As actividades industriais céntranse no subsector alimentario, na transformación dos seus produtos agropecuarios.
Familia de tres xeracións de toureiros que empregaron o pseudónimo do seu avó, o banderilleiro Manuel Mejías Luján , natural de Bienvenida (Badajoz). Manuel Mejías Jiménez (1912 - 1938) e Antonio Mejías Jiménez (Caracas 1922 - Madrid 1975) foron excelentes representantes do toureo clásico.
