"Booth" (Contén)

FAMILIAS

Familia de actores angloamericanos. Junius Brutus Booth (1796 - 1852), especializado en personaxes shakespearianos, rivalizaba con Edmund Kean, e en 1821 trasladouse aos EE UU. Entre os seus fillos destacaron Edwin Thomas Booth (1833 - 1893), que fundou o Player’s Club de Nova York (1888), e John Wilkes Booth (1838 - 1865), tamén actor, que, ligado á causa sudista, asasinou o Presidente Lincoln.

PERSOEIRO

Armador e sociólogo. Preocupado polos problemas dos traballadores e proletarios, estudiou os seus conflitos no clásico da sociografía Life and labour of the people of London (Vida e traballo da xente de Londres, 1891-1897). Elaborou un proxecto a prol das pensións de vellez.

PERSOEIRO

Predicador inglés. Convertido ao Metodismo, foi predicador ambulante e promoveu un movemento de reviviscencia en Whitechapel chamado Christian Mission (1864), que en 1878 se converteu no Exército de Salvación.

PENÍNSULAS

Península do Canadá, no Océano Ártico, pertencente administrativamente ao territorio do Noroeste. A máis setentrional das penínsulas canadenses, está separada da Terra de Baffin polo golfo de Boothia, e da Illa Victoria polo canal MacClintock. Foi descuberta en 1829 polo capitán John Ross, que lle deu o nome en honor de sir Felix Booth, quen financiara a expedición.

PERSOEIRO

Escritor estadounidense. Formado na University of Princeton, na súa obra, escrita con algúns trazos satíricos e románticos, amosou a súa versatilidade. Fíxose popular coa novela melodramática The Gentleman from Indiana (1899), e despois con Monsieur Becaire (1900) e The conquest of Canaan (1905, Premio Pulitzer 1922), posiblemente a súa obra máis exitosa.