Prenome feminino procedente do xermánico brunnia ‘coiraza’ e hild ‘combate, batalla’. Na mitoloxía xermánica, é o nome dunha valquiria dos Nibelungos salvada por Sigfrido.
Na mitoloxía xermánica, valquiria condenada por Odín (Wòdan) a durmir sobre unha montaña rodeada de lume, ata que fose liberada por un heroe sen medo. A lenda fixo nacer, daquela, o personaxe de Sigfrido, o heroe liberador. Ambos os dous, Brunilde e Sigfrido, entraron a formar parte da epopea dos Nibelungos.
