"Cabaret" (Contén)

Produción cinematográfica norteamericana realizada en 1972. Foi dirixida por Bob Fosse e interpretada por Liza Minnelli, Michael York e Helmut Griem. Trátase dun musical ambientado no Berlín de 1931, no que se desenvolve unha historia de amor entre un profesor de inglés e unha muller que quere triunfar no mundo do espectáculo. Nos números musicais critícase a situación política que se está a vivir en Alemaña antes da chegada dos nazis.

Célebre sala de cabaré aberta en Zúric por Hugo Ball e Emmy Hennings o día 5 de febreiro de 1916. A partir dese momento sucederíanse novos encontros de artistas nos que se realizaban as máis diversas accións, normalmente coordinadas por Tristan Tzara e Marcel Janco, Hugo Ball, Jean Arpe, Richard Huelsenbeck. Por aquela sala pasaron políticos do relevo de Lenin ou coreógrafos famosos como Rudof von Laban. Foi o espazo onde naceu e se desenvolveu o movemento Dadá. Pechou as súas portas a finais de xuño do mesmo ano.