Río afluente do Verdugo pola dereita. Nace a 680 m de altitude ao pé do Outeiro de Camilo, entre as parroquias de Caroi e Valongo, ambas as dúas no concello de Cotobade. O seu curso adopta en principio unha dirección L-O, que muda ao chegar ao linde das parroquias de Valongo e Loureiro, para virar cara ao S. Con esa nova dirección drena as parroquias de Valongo e de Augasantas. Desemboca no lugar da Xunta dos Ríos, no límite establecido entre as parroquias de Aguasantas (concello de Cotobade), A Lama (concello de A Lama) e Ponte Caldelas (concello de Ponte Caldelas).
