Lugar considerado na tradición literaria da materia de Bretaña como residencia habitual do Rei Artur. Dende o s XVI tense identificado este espazo literario con diversos lugares como Cadbury, Camelford, Colchester, Winchester, etc, pero ningunha hipótese acadou a aprobación unánime de todos os investigadores da materia artúrica.
Produción cinematográfica norteamericana realizada en 1967. Foi dirixida por Joshua Logan e interpretada por Richard Harris, Vanessa Redgrave, Franco Nero e David Hemmings. Baseada nunha obra musical que se estreara en Broadway, conta a historia de amor entre Lancelot, cabaleiro da mesa redonda, e Xenebra, muller do Rei Artur. O filme conta coa participación de actores moi relacionados co eido teatral e provistos dun vestiario inspirado no art nouveau pitórico.
