"Castelao" (Contén)

Agrupación de filósofos e profesores relacionados co mundo da Filosofía creada no ano 1981 en Pontevedra. Os seus obxectivos son a anovación temática e metodolóxica no campo da Filosofía e a normalización da lingua galega, sobre todo no mundo do ensino. Organizáronse numerosos encontros, congresos, xornadas pedagóxicas e conferencias nas que analizaron as obras de Marx, Castelao, Engels, etc. Os seus colaboradores publicaron en revistas, xornais e libros de ensaio numerosos artigos e investigacións sobre autores galegos e estranxeiros como Celso Emilio Ferreiro, Fermín Bouza Brey, Xoán V. Viqueira, Amor Ruibal, Indalecio Armesto, Ricardo Mella, Sartre, Fromm, Garaudy, etc. A propia asociación editou Antón Losada. Teoría e Praxe (1984), Postmodernidade e poder (1989), O pensamento galego na historia. Aproximación crítica (1992), América Latina. Entre a realidade e a utopía (1992), Filosofía e Xénero (1996) e Filosofía e Lingua (1997)....

ariante do apelido Castelán. Documéntase no s XV: “Alvaro Castelaao” (doc ano 1454 en X. Ferro Couselo, A vida e a fala do devanceiros. Escolma de documentos en galego dos séculos XIII ao XVI, vol II, 1967, p 62).

Afonso Daniel Manuel Rodríguez Castelao.

Institución de carácter privado fundada no ano 1984 co fin de honrar e divulgar a memoria de Afonso Daniel Rodríguez Castelao. Ao mesmo tempo procura favorecer a cultura galega, especialmente as artes plásticas, a etnografía, a socioloxía, a economía, a política, a narrativa e o teatro, áreas nas que tamén se distinguiu o seu inspirador. Entre as publicacións desta Fundación cómpre salientar diversas edicións das obras de Castelao a cargo de Henrique Monteagudo De viva voz. Castelao: Conferencias e discursos (1996), de X. Amancio Liñares Giraut, O centenario de Castelao na lembranza 1986 (1997) e o Catálogo da Exposición 50 aniversario de Castelao (2000).

Certame de textos teatrais que durou tres anos (1964-1966), convocado pola asociación cultural compostelá O Galo. En 1964 recibiu este galardón a obra de Ángel de la Peña Cando morren os faroles; A revolta, de Jenaro Marinhas del Valle, e Un hotel de primeira sobre o río, de Xohana Torres foron os seguintes premiados. Para este concurso púxose en marcha a chamada “Campaña do peso”, coa que se recolleron os fondos para o premio económico.

Medalla creada en 1984 para conmemorar o retorno a Galicia dos restos de Castelao, o 28 de xuño do mesmo ano. Con este galardón, o executivo autonómico distingue aqueles galegos e galegas autores dunha obra merecedora do recoñecemento do seu pobo, no ámbito artístico, literario, doutrinal ou en calquera faceta da actividade humana. Segundo se recolle no seu decreto de creación, a perfección, o simbolismo ou a transcendencia das devanditas obras é o froito da entrega dunha vida e o reflexo dun traballo conscientemente realizado con fe na cultura, na historia e mais no ser dun pobo.

Museo virtual creado en 2000 e dedicado á figura de Afonso Rodríguez Castelao. Os seus fundadores foron o Consello da Cultura Galega, a Fundación Castelao e Vieiros. A súa intención foi a de constituír un espazo de convivencia virtual, aberto a todos os interesados en profundizar no coñecemento da vida e obra deste autor. Entre outros apartados conta cunha mediateca, que recolle documentos sonoros, imaxes e pezas musicais con letra de Castelao ou dedicadas a el.