o Vello (s IV a C) Escultor grego. Pai de Praxíteles, esculpiu para os atenienses a estatua Eirene (a Paz) levando o neno Ploutos (a Abundancia), coñecida por copias romanas e polas referencias de Pausanias. Fixo tamén unha estatua de Atenea situada no porto de Atenas, un grupo de musas, un altar dedicado a Zeus e un Hermes con Dióniso.
o Novo (300? a C) Escultor grego. Fillo probablemente de Praxíteles, destacou no retrato, entre os que destaca o de Menandro, e na representación da figura feminina.
