"Disneyland" (Contén)

Parque de atraccións baseado nas personaxes creadas por Walt Disney e situado en Anaheim, California. Á súa inauguración, o 17 de xullo de 1955, acudiron máis de 33.000 persoas. Conta con trens, cadoiros, palacios, figuras animadas, zonas recreativas e espectáculos teatrais e musicais. No centenario do nacemento do seu creador, programáronse diversas actividades co título de “100 Anos de Maxia”.

Parque de atraccións baseado nas personaxes creadas por Walt Disney e establecido en Marné-la-Vallée, a 32 km de París, desde o 12 de abril de 1992. Forma parte dos proxectos de expansión da empresa Disney polo mundo. Conta con máis de 12.000 empregados repartidos entre as diversas atraccións e os hoteis. Ademais, está situado nun importante nó de comunicacións de autoestradas, unido a París mediante o tren de alta velocidade e a medio camiño dos aeroportos de Orly e Roissy-Charles-de-Gaulle.