"Eleusis" (Contén)

Mostrando 2 resultados de 2.

  • Eleusis
    Escoitar

    CIDADES

    Cidade do nomós da Ática, Grecia, situada no golfo de Saronikós (20.320 h [1981]). As principais actividades económicas están relacionadas coa construción naval e as refinerías de petróleo. Coñeceuse na Antigüidade pola celebración dos misterios de Eleusis. As escavacións realizadas no s XIX estableceron a orixe do santuario de Démeter no período micénico, no segundo milenio a C. Formou parte das doce cidades sobre as que gobernaba o rei-sacerdote Eumolpo e anexionouse a Atenas a finais do s VIII a C ou comezos do s VII a C. Destruída por Arquidemo de Esparta durante a Guerra do Peloponeso (431-404 a C), reconstruíuse durante o Imperio Romano e conservou certa relevancia ata que un edicto do Emperador Teodosio pechou o santuario (381 d C). No 396 foi destruída polos bárbaros de Alarico.

    VER O DETALLE DO TERMO
  • Eleusis, misterios de
    Escoitar

    Rituais en honor de Deméter e Perséfone, tutelados polo Estado, que se celebraban no mes de boedromión (setembro-outubro) durante a recolección. Lembraban o mito do rapto de Perséfone por Hades, a primeira pasaba parte do ano xunto á súa nai Deméter na Terra (a primavera e o verán) e nos meses fríos, cando a natureza morría, vivía baixo terra xunto a Hades. As festas iniciábanse cunha procesión desde Atenas ata Eleusis, baixo protección de Dioniso, e a cerimonia comezaba no santuario esa mesma noite. A iniciación constaba de tres fases sucesivas das que só se sabe que incluían fórmulas máxicas, visións e ritos de fecundidade. A súa divulgación considerábase un sacrilexio.

    VER O DETALLE DO TERMO