"Foligno" (Contén)

PERSOEIRO

Nativa da cidade italiana de Foligno, foi pecadora ata que perdeu o seu home e os fillos, tralo que se arrepinte e ingresa na terceira orde de san Francisco. Loitou contra as tentacións da carne deixando un libro de visións e instrucións místicas.

PERSOEIRO

Mártir. Bispo de Foligno, morreu durante a persecución de Decio. A súa festividade celébrase o 24 de xaneiro.

CIDADES

Cidade da provincia de Perugia, na Umbria, Italia, situada á beira esquerda do río Topino (52.318 h [2000]). É un núcleo industrial en rápida expansión, favorecido polo seu emprazamento, dominando o paso principal entre a chaira umbriana e a costa adriática. Posúe industria azucreira, téxtil, metalúrxica, papeleira e de pasta de sopa. Fundada polos romanos co nome de Fulginium, en 1305 pertenceu á familia Trinci e desde 1439 aos Estados Pontificios. Do seu patrimonio cultural destacan os restos da cidade romana, a catedral (ss XII-XVIII), a igrexa da abadía de Sassovivo e o palacio de Trinci (ss XIV-XV).