"Fukui" (Contén)

CIDADES

Cidade do ken homónimo, na illa de Honshū, Xapón, preto da costa do mar de Xapón (254.818 h [1997]). Importante centro téxtil que produce seda, raión e fibras sintéticas. Do seu patrimonio cultural destacan, entre outros, os restos do palacio Asakura, o castelo Fukui e a fervenza Ichijo.

PERSOEIRO

Químico xaponés. Estudiou enxeñería na Universidade Imperial de Kyoto, onde se doutorou en 1948 e exerceu de profesor de química física. Foi presidente da Universidade de Artes Industriais e Fibras Téxtiles de Kyoto. Compartiu o Premio Nobel de Química en 1981 con Roald Hoffmann, polos seus traballos de aplicación da mecánica cuántica ao estudo dos orbitais fronteirizos en relación coa reactividade das moléculas.