"Hall" (Contén)

PERSOEIRO

Trobador, nomeado tamén Adam le Bossu. Estivo ao servizo do Rei de Nápoles Carlos de Anjou. Autor de numerosas cantigas satíricas e de catorce rondeaux a diversas voces, un feito sen precedentes. Está considerado como o iniciador do teatro profano en Francia debido ás súas obras cómicas Jeu de la feuillée (Xogo das follas, 1260?) e Jeu de Robin et Marion (Xogo de Robin e Marion, 1282?).

PERSOEIRO

Realizador cinematográfico e produtor norteamericano. Dirixiu algúns filmes, especialmente westerns, onde os animais eran protagonistas. Realizou Unchained (Fuga desesperada, 1955), Drango (1957) dirixida xunto a Jules Bricken, All the young men (Todos os homes novos, 1960), The wild pack (A carga salvaxe, 1972), Jonathan Livingstone seagull (Jonathan Livingstone gaivota, 1973) e Comeback (Regreso ao pasado, 1983).

PERSOEIRO

Actriz norteamericana. Comezou en montaxes teatrais como The sound of music (O son da música), e acompañando a Bob Hope. Na televisión interpretou Living dolls (Bonecas vivas, 1990). Foi galardoada co Premio Image da NAACP pola súa interpretación na serie Queen (Raíña). Outros traballos seus son: The last boy scout (O último boy scout, 1991), The finstones (Os picapedra, 1994), Race the sun (A carreira do sol, 1996) e Girl 6 (Rapaza 6, 1997).

PERSOEIRO

Escritor. Autor de novelas melodramáticas, entre a súa produción destacan as obras: The shadow of a crime (A sombra dun crime, 1885) e The eternal city (A cidade eterna, 1901). Amigo de Dante Gabriel Rossetti, escribiu o libro de memorias Recollections of Rossetti (Recordos de Rossetti, 1928).

PERSOEIRO

Historiador e diplomático inglés. Participou no congreso da Paz de Versailles e foi asesor da Sociedade de Nacións. A partir de 1936 dedicouse ao ensino universitario e foi director do Times. Das súas obras cómpre destacar principalmente A History of Soviet Russia (A historia da Rusia soviética), publicada en diversos volumes a partir de 1950, agrupados en títulos diferentes.

PERSOEIRO

Fisiólogo. Doutorouse na Universidade de Cambridge en 1909. Dirixiu os Wellcome Physiological Research Laboratories (1906-1914), nos que realizou estudios sobre a composición e os efectos do cornizó, e traballou no National Institute for Medical Research (1914-1942), centro do que foi director dende 1928 ata a súa xubilación. Foi presidente da Royal Society (1940-1945) e membro da Comisión de Enerxía Atómica. Descubriu a histamina e a acetilcolina, molécula implicada na transmisión nerviosa. No 1936 recibiu, xunto con Otto Loewi, o Premio Nobel de Medicina e Fisioloxía polo descubrimento da acción dos neurotransmisores no impulso nervioso. No ano 1932 concedéuselle o título de sir e no 1944 a Orde do Mérito.

PERSOEIRO

Actriz e directora de escena estadounidense. Deseñou e desenvolveu un dos primeiros proxectos de descentralización teatral, coñecido como Federal Theatre Project, durante a presidencia de Franklin D. Roosvelt. Cunha sólida formación académica, dedicou unha boa parte da súa vida ao ensino da arte dramática en institucións como o Vassar College e o Smith College, ou a escribir ensaios sobre política teatral como o titulado Arena (1940), no que recolle as súas experiencias á fronte do teatro federal.

PERSOEIRO

Dramaturgo sudafricano que escribiu en lingua inglesa. A súa obra versa sobre a problemática racial. Conseguiu fama mundial coas representacións que a compañía The Serpent Players, fundada por el mesmo, fixo de obras súas como The Blood Knot (O lazo de sangue, 1963), The Island (A illa, 1974), The Road to Mecca (O camiño cara á Meca, 1985), A Place with the Pigs (Un lugar cos porcos, 1988), ou My Children! My Africa! (Meus fillos! Miña África!, 1990), onde analiza a situación política dun país multirracial sometido a un sistema de segregación.

PERSOEIRO

Filólogo estadounidense. Profesor na Harvard University (1896-1932), escribiu diversos estudios sobre Dante Alighieri, lingüística románica (Introdution to Vulgar Latin, 1907, traducida ao castelán por F. de B. Moll), fonética, gramática do francés e italiano e un traballo sobre o provenzal antigo.

1. Espazo dunha casa situado xunto á porta de entrada e que dá acceso ás partes interiores.

2. 1. Espazo ou cavidade que serve de entrada a outra cavidade.

   2. vestíbulo do oído

      Cavidade ósea do oído interno que contén o sáculo de utrículo.

PERSOEIRO

Químico estadounidense. Estudiou no Oberlin College de Ohio. En 1886, ao mesmo tempo que Paul Héroult, inventou o procedemento electrolítico para obter aluminio a partir de alumina disolta en criolita fundida que se denominou proceso de Hall-Héroult. Dous anos máis tarde foi aplicado pola Pittsburgh Redution Company, da que Hall foi o vicepresidente en 1890, iniciándose así a utilización xeneralizada deste metal en toda clase de aplicacións.

PERSOEIRO

Físico estadounidense. Profesor na Universidade de Harvard. Investigou a condución térmica e eléctrica nos metais, estudiou os efectos electromagnéticos e termomagnéticos no aceiro brando e descubriu o efecto que leva o seu nome.