"Hessen" (Contén)

o Magnánimo (Marburg, Hessen 1504 - Kassel, Hessen 1567) Langrave de Hessen-Kassel (1509-1567), fillo do langrave Guillerme II. Asumiu plenamente o poder en 1518. En 1524 someteu a nobreza, acabou coas revoltas campesiñas e implantou a Reforma nos seus estados. En 1526, trala alianza defensiva de Gotha con Xoán de Saxonia, acadou do Emperador Carlos V a liberdade relixiosa. En 1529, trala revogación da Dieta de Espira, adheriuse á Liga de Esmalcalda (1531). Vencido por Carlos V en Mülhberg (1547) foi prisioneiro do emperador ata 1552. Fundou a primeira universidade protestante en Marburg.

Land de Alemaña, ao L do Macizo Xistoso Renano (21.114 km2; 6.086.000 h [estim 2001]). A súa capital é Wiesbaden. Ao pé dos macizos volcánicos de Rhön e Vogelsberg esténdese unha rexión de altiplanos e outeiros moi fracturada, drenada polo Rin e os seus afluentes. O SO é unha área agrícola moi produtiva. No curso inferior do Main localízase unha das principais rexións industriais de Alemaña, centrada en Frankfurt e Wiesbaden, onde se fabrican automóbiles, maquinaria, produtos químicos, material eléctrico e de precisión, instrumentos científicos e técnicos.

Familia nobre xermánica que ten as súas orixes en Enrique I de Hessen o Rapaz (?-1308), fillo do duque Enrique II de Brabante. Destacaron Enrique III de Hessen-Marburg (?-1483) quen iniciou a rama primoxénita dos landgraves de Hessen-Kassel; Ernesto I de Hessen-Rheinfels (?-1693) quen formou a rama dos landgraves de Hessen-Rheinfels e Rothenburg, extinguida en 1834; Guillerme IX de Hessen-Kassel (?-1821), quen se converteu en Guillerme I de Hessen ao adquirir a categoría de príncipe elector en 1803; e Alexandre de Hessen , quen iniciou a a familia Battemberg.