"Houston" (Contén)

FILOSOFOS

Filósofo e escritor inglés. Foi un dos teóricos do nacionalsocialismo. En 1885 trasladouse desde Inglaterra para estudar en Dresden e posteriormente se estableceu en Viena. Na súa obra principal Die Grundlagen des neunzehten Jahrhunderts (Os fundamentos do s XIX, 1899), fai unha interpretación da superioridade da raza aria. Durante a Primeira Guerra Mundial posicionouse como panxermanista e partidario da anexión a Alemaña de todos os pobos de orixe xermana. É autor de dúas monografías sobre Richard Wagner, compositor no que se inspirou para desenvolver unha filosofía de carácter nacionalista.

CIDADES

Cidade do estado de Texas, EE UU, na chaira litoral do golfo de México (1.953.631 h [2000]). É a principal cidade do estado demográfica e economicamente, centro da industria algodoeira e química do país. Tamén acolle a estación de seguimento dos satélites e naves espaciais da NASA. Fundada en 1836, converteuse a finais do s XIX nun importante centro ferroviario, que distribuía o petróleo dos pozos texanos. Do seu patrimonio cultural destacan o Old Markey Square, o Sam Houston Historical Park (s XIX) e o Astrodome.

PERSOEIRO

Militar e político. Gobernador de Tennessee (1827), dirixiu a sublevación dos colonos anglosaxóns en Texas (1836) e foi o primeiro presidente da República de Texas (1836-1844). Despois da súa anexión por EE UU foi o seu gobernador. Deulle nome á cidade de Houston.