"Kálman" (Contén)

PERSOEIRO

Político. Foi ministro de Agricultura de Hungría (1935) e presidente do goberno (1936-1938). Apoiado polos socialdemócratas e polos pequenos propietarios, pero presionado polo goberno alemán, fixo aprobar leis que aumentaban as facultades do rexente, limitaban o dereito de voto e prohibíanlles numerosas actividades aos xudeus.

PERSOEIRO

Rei de Hungría (1095-1116). Sucedeu ao seu tío Ladislau I. Home culto, reorganizou o estado e conquistou Croacia (1102).

PERSOEIRO

Compositor húngaro. Estreou en Viena as súas operetas máis famosas, tituladas Der Zigeunerprimas (1912), Die Csardasfürstin (1915) e Gräfin Mariza (1924), nas que xuntou as tradicións vienesas da opereta cun toque húngaro.

PERSOEIRO

Médico, poeta e gramático húngaro. Cultivou a literatura en esperanto; os seus poemas orixinais aparecen, sobre todo, nas coleccións Stre cita Kordo (Corda tensa, 1931), Rimportretoj (Retratos en rima, 1931) e Ezopa Sa go (Sabedoría de Esopo, 1956). É autor de versións en verso de Baudelaire, Dante, Goethe, Heine, Shakespeare e dos escritores húngaros Madách e Petöfi, entre outros. Como ensaísta e gramático, cómpre salientar Lingvo stilo formo (Lingua, estilo, forma, 1931), Parnasa gvidlibro (Guía ao Parnaso, 1932) e Plena Gramatiko de Esperanto (1935); as dúas últimas en colaboración co profesor francés Gaston Waringhien.

PERSOEIRO

Escritor húngaro. Foi un dos grandes creadores do realismo do seu país. A súa primeira grande obra foi Tót atvafiak (Os labregos eslovacos, 1881), historias de pastores no norte de Hungría. Destacaron tamén Szent Péter esernyöje (O paraugas de San Pedro, 1895) e A fekete város (A cidade negra, 1911), e agudizou as súas críticas en Különös házasság (Unhas vodas estrañas, 1900) e A Noszty fiú esete Tóth Marival (O caso do rapaz Noszty con Maria Tóth, 1908)

PERSOEIRO

Político húngaro. Cabeza da facción de centro esquerda no parlamento (1865), uniuse (1875) co partido gobernamental de Deák, de onde naceu o partido liberal, do que foi máximo dirixente. Xefe do goberno (1875-1890), mellorou a economía do país.