"Lewis" (Contén)

PERSOEIRO

Prehistoriador e arqueólogo norteamericano fundador da New Archeology. A obra de Binford caracterízase pola súa énfase na formación e contrastación de leis xerais en arqueoloxía, capaces de explicar as diferencias culturais reflectidas no rexistro arqueolóxico, e pola súa defensa do método hipotético-dedutivo fronte á simple indución. Traballou fundamentalmente en xacementos paleolíticos europeos, sobre todo do período Musteriense (opóndose ás teorías de Bordes), e paleoindios en Norteamérica. Promoveu a etnoarqueoloxía como instrumento de interpretación e adaptou á práctica arqueolóxica diversas análises procedentes doutras ciencias (tafonomía, etc). Entre os seus traballos cómpre salientar: An archaeology perspective (Unha perspectiva da Arqueoloxía, 1972), For theory building in archaelogy: essays on faunal remains, aquatic resources, spatial analysis and systemic modeling (Catro teorías arqueolóxicas: ensaios sobre os restos faunísticos, fontes de auga, análise espacial e modelos...

PERSOEIRO

Poeta irlandés. Estudiou en Oxford e formou parte da xeración de Auden e Spender. Foi profesor de poesía en Oxford, traduciu a Virxilio e escribiu ensaios e novelas policiais co pseudónimo de Nicholas Blake. A súa lírica evolucionou cara ao individualismo e entre as súas obras destacan Transitional Poem (Poema de transición, 1929) e Collected Poems (Antoloxía poética, 1954).

PERSOEIRO

Actor. Comezou facendo teatro nas compañías Bristol Old Vic e Bristol Arts Centre. En cine realizou pequenos papeis secundarios a principios dos anos setenta, como no filme Sunday, Bloody Sunday (Domingo, maldito domingo, 1971). A súa carreira consolidouse na década dos oitenta nas películas My Beautiful Laundrette (A miña fermosa lavandería, 1985) e The Unbearable Lightness of Being (A insoportable levidade do ser, 1987). Outros filmes nos que participou son: My Left Foot (O meu pé esquerdo, 1989), co que gañou un Oscar; Last of the Mohicans (O derradeiro mohicano, 1992), The Age of Innocence (A idade da inocencia, 1993) ou In the Name of the Father (No nome do pai, 1994).

PERSOEIRO

Pintor. Coñecido como Sam Francis, recibiu a influencia de Clyfford Still. Establecido en París en 1950, coñeceu os informalistas. Creou nas súas obras un espazo a base dunha xustaposición de manchas monocromas, que despois activou con grandes manchas de cor e con espacios intermedios, nos que baleirou un goteo de pintura. A mediados da década dos sesenta achegouse ás correntes minimalistas.

PERSOEIRO

Fotógrafo estadounidense. Exerceu como profesor na Ethical Culture High School de Nova York, ata que en 1903 decidiu utilizar a fotografía como elemento pedagóxico. Interesado nas condicións de vida dos inmigrantes neoiorquinos, dedicouse a denunciar a explotación dos nenos traballadores. En 1918, contratado pola American Red Cross, trasladouse a Europa para fotografar as consecuencias da Primeira Guerra Mundial. Destaca o realismo dos seus traballos, especialmente na construción do Empire State Building.

ILLAS

Illa de Escocia, Reino Unido, situada na costa O. É a máis grande das Illas Hébridas (2.135 km2; 23.390 h [1981]). O relevo é montañoso, especialmente no S, e a súa economía baséase na pesca, nas industrias derivadas e no turismo.

PERSOEIRO

Atleta estadounidense. Coñecido como Carl Lewis, foi campión do mundo en Helsinqui (1983) e Roma (1987) en 100 m lisos, salto de lonxitude e 4 x 100 m lisos. Gañou catro medallas de ouro (100 m, 200 m, 4 x 100 m e salto de lonxitude) nos Xogos Olímpicos de Los Angeles (1984), dúas (100 m e salto de lonxitude) nos Xogos Olímpicos de Seúl (1988), outras dúas (salto de lonxitude e 4 x 100 m) nos Xogos Olímpicos de Barcelona (1992) e nos Xogos Olímpicos de Atlanta (1996) foi medalla de ouro en salto de lonxitude. Retirouse en 1997. Recibiu o Premio Príncipe de Asturias do Deporte (1996).

FILOSOFOS

Filósofo e lóxico matemático estadounidense. É coñecido polas súas contribucións no ámbito da lóxica modal e, especialmente, polo que respecta ao cálculo que el denomina da implicación estrita. Escribiu Mind and the World Order (1929).

PERSOEIRO

Biólogo estadounidense. Especializouse en xenética e meteoroloxía. Investido doutor honoris causa polas universidades de Minnesota (EE UU) e Umeå (Suecia), en 1995 recibiu, xunto con Christiane Nüsslein-Volhard e Eric F. Wieschaus, o Premio Nobel de Fisioloxía e Medicina polo descubrimento dos xenes homeóticos, tras estudar unha variedade de mosca Drosophila melanogaster e descubrir que a mutación destes xenes provoca que unha parte do corpo sexa igual ca a outra.

PERSOEIRO

Químico estadounidense.   Realizou, xunto con Kossel e Langmuír, estudios sobre o enlace dos átomos por dobretes electrónicos e a teoría da valencia en xeral, que deron como resultado o modelo de átomo cúbico estático para explicar a teoría do octeto. Introduciu un novo concepto de ácido e base, denominados ácido de Lewis (moléculas que aceptan pares de electróns) e base de Lewis (moléculas que ceden pares de electróns), e formulou a teoría que leva o seu nome, segundo a que o enlace covalente se debe ao compartimento de pares de electróns entre os átomos dunha molécula. Tamén conseguiu illar o deuterio e obter auga pesada pura (combinando osíxeno e deuterio).

PERSOEIRO

Dirixente sindicalista estadounidense. Traballou como mineiro e en 1920 converteuse en presidente do United Mine Workers of America (UMW). Apoiou sucesivamente as candidaturas republicanas (Hoover en 1928 e Wilkie en 1940) e demócratas (Roosevelt en 1933). En 1935 fundou o Congress of Industrial Organizations (CIO), que presidiu ata 1940.

PERSOEIRO

Pintor, escritor e crítico inglés. Adiantou o vangardismo en Reino Unido e foi o fundador do vorticismo (1912) e do Rebel Art Center (1914), ademais de editor da revista Blast. Avanzou desde a abstracción cara a un figurativismo cubista. Pintou A rendición de Barcelona. Na súa literatura manifesta unha defensa do fascismo.

PERSOEIRO

Político e escritor galés. Cofundou o partido nacionalista Plaid Cymru (1925) e traballou na recuperación do galés, lingua en que escribiu moitos dos seus textos, de xéneros tan diversos como poesía, teatro, ensaio e novela.

PERSOEIRO

Novelista estadounidense. Na súa obra destaca a monotonía, a frustración emocional e a falta de valores espirituais e emocionais da clase media estadounidense. Da súa produción destacan as novelas realistas sobre a vida de provincias, Main Street (1920), Babbitt (1922) e Kingsblood Royal (1947). Recibiu o Premio Nobel de Literatura en 1930.

PERSOEIRO

Economista. Foi profesor de economía nas universidades de Manchester (1947-1958) e Princeton (1963-1983), conselleiro do primeiro ministro de Ghana e fundador e director do Caribbean Development Bank (1970-1973). Especialista nos problemas de desenvolvemento, escribiu The Principles of Economic Planning (1949), Development Planning (1966), Tropical Development 1880-1913 (1971) e Growth and Flutuations 1870-1913 (1978). En 1979 compartiu o Premio Nobel de Economía con Theodore W. Schultz polos seus estudios sobre a pobreza e o desenvolvemento.

CIDADES

Cidade de Inglaterra, Reino Unido, situada ao S do Támesis e integrada na área metropolitana de Londres (226.700 h [1989]).