"Octavio" (Contén)

PERSOEIRO

Realizador cinematográfico. En 1968 deuse a coñecer internacionalmente con La primera carga al machete, filme histórico esteticamente expresionista, ao que seguiron Los días del agua (1971), El señor Presidente (1983) e Gallego (1987).

GALICIA

Meteorólogo. Foi subdirector do Instituto Metereolóxico Central e colaborou en diversas revistas científicas. Publicou Recreaciones científicas (1881) e Lo accesible y lo inaccesible (1886).

GALICIA

Profesor. Traballou como profesor de xeografía e historia en Rio de Janeiro. Publicou os poemas “Alfonseida”, “Portugal nació de un beso” e El portal de las Indias: poema dramático en tres actos y cuatro cuadros (1941) , e as antoloxías Antología de R. Mesoneros (1945) e Antología de Andrés Bernáldez (1945).

PERSOEIRO

Político e estratega romano. Foi cónsul (165 a C) e embaixador en Asia (162 a C). Dirixiu a frota romana contra Perseo (168 a C) e construíu o pórtico de Octavia en Roma. Morreu asasinado por un grego.

PERSOEIRO

Político romano, neto de Cneo Octavio. Foi cónsul en 87 a C xunto con Lucio Cornelio Cinna, pero ao contrario que este, opúxose á obra reformista de Mario e expulsou a Cinna da cidade. Asediado e bloqueado en Roma polos partidarios de Mario, foi asasinado por Cinna, o que provocou o estalido dunha guerra entre os partidarios do xa falecido Mario (86 a C) e os seguidores de Sila.

PERSOEIRO

Militar. Pertenceu á Lexión Tebana e, na persecución de Máximo Hercúleo, sufriu martirio en Turín. Represéntase vestido de militar romano ou medieval, coa espada (atributo dos militares), a palma e a coroa dos mártires. A súa festividade celébrase o 20 de novembro.

PERSOEIRO

Poeta, ensaísta e diplomático mexicano. Combatente do exército republicano durante a Guerra Civil Española, onde coñeceu a Pablo Neruda, e membro da Alianza de Intelectuales Antifascistas, ao seu regreso a México foi un dos fundadores de Taller (1938) e El Hijo Pródigo. A partir de 1955 organizou o grupo Poesía en Voz Alta e colaborou en Revista Mexicana de Literatura e El Corno Emplumado; ademais, foi un dos principais impulsores de Plural e Vuelta. Membro da embaixada de México en India (1962-1968), durante as súas estadías en Europa trabou amizade con diversos intelectuais como André Breton e Albert Camus. A súa obra caracterízase pola recorrencia dos temas do amor, a soidade e a morte, expresados cunha gran riqueza imaxinativa. Considerado como un dos principais escritores das letras mexicanas, como poeta iniciouse co libro Luna silvestre (1983), ao que seguiron outros volumes de claro compromiso político como Raíz del hombre (1937),...

PERSOEIRO

Xornalista e escritor. Correspondente literario en El Imparcial, La Europa e El Progreso, inscribiuse en tendencias naturalistas francesas, cun estilo semellante ao de E. Pardo Bazán, e destacou polas súas novelas, El enemigo (1887) e Sacramento (1914), e as coleccións de contos, como Mujeres (1911). Defensor do amor natural, está considerado como un dos precedentes da novela erótica. Como crítico da arte publicou Apuntes para la historia de la caricatura (1878) e Del desnudo en el arte (1902). Foi membro da Real Academia Española (1900) e da Real Academia de Bellas Artes de San Fernando (1902).

GALICIA

Xornalista. Licenciado en Ciencias da Información pola Universidad Complutense de Madrid e máster en Dirección de Empresas pola Escola de Negocios de Caixanova, foi correspondente da RAG e da TVG en Vigo. Colaborador en distintos medios impresos, foi redactor xefe de Ondas Galicia Radio (1985-1987), editor e presentador de Deportes Fin de semana e xefe de deportes da TVG (1993-1996). Foi director do Centro Territorial en Galicia de Televisión Española (1998-2004) e posteriormente xerente do Padroado de Turismo Rías Baixas.