"Perth" (Contén)

PERSOEIRO

Prehistoriador, arqueólogo e paleontólogo, máis coñecido como Boucher de Perthes. Está considerado como un dos fundadores da Prehistoria. Autodidacta, con coñecementos sólidos de Xeoloxía, interesouse pola Arqueoloxía e defendeu e demostrou a existencia do home cuaternario. Publicou diversas obras, entre as que destaca Antiquités celtiques et antédiluviennes (Antigüidades célticas e antediluvianas, 1857).

PERSOEIRO

Pintor. Na súa obra, sempre mantendo o contacto coa visión da natureza, uniu as tradicións do postimpresionismo con certos alcances do cubismo e do construtivismo. Cultivou o óleo e o debuxo con tinta chinesa.

CIDADES

Cidade da rexión de Tayside, Escocia, Reino Unido, situada nunha frondosa comarca (42.000 h [estim 1995]). Ten industrias de colorantes, de maquinaria e de vidro. Cidade desde 1106, ostentou ocasionalmente, entre os ss XIII e XIV, a capitalidade de Escocia.

CAPITAIS

Capital do estado de Australia Occidental, Australia, situada na desembocadura do río Swan, na baía de Fremantle, no Océano Índico (1.339.993 h [2001]). Fundada en 1829, experimentou un grande aumento demográfico grazas á explotación das minas de ouro. É o primeiro centro administrativo, comercial e financeiro do oeste, e tamén un activo centro industrial.

DISTRITOS

Distrito unitario de Escocia, Reino Unido (5.311 km2; 133.620 h [estim 2000]).

PERSOEIRO

Editor alemán. Iniciouse no mundo dos libros na libraría Ettinger, ata que en 1785 fundou en Gotha unha editorial que, máis tarde, se transformou en Instituto Editorial Xeográfico. Nel colaboraron destacados xeógrafos e intelectuais da época, como Berghaus, Diez, Reichard e Sydow. Das súas publicacións destacan Almanach Gotha e Stieler’s Hand Atlas.