"Petronio" (Contén)

PERSOEIRO

Emperador romano (455). Participou na caída de Aecio e puido tomar parte no asasinato de Valentiniano III (455). Recoñecido como emperador, obrigou a Eudosia, viúva do emperador defunto, a casar con el. Fronte ao avance dos vándalos de Xenserico sobre Roma tentou fuxir pero foi capturado pola plebe, que o asasinou.

PERSOEIRO

Escritor latino. É o suposto autor da monumental sátira menipea coñecida como Satiricón, xeralmente identificado cun aristócrata romano, citado por Tácito. En virtude da obra, unha das máis orixinais da literatura latina, atribúenselle dotes de novelista, de escritor realista e de enriquecedor da linguaxe, tanto pola novidade dos seus recursos estilísticos como pola incorporación de idiotismos e barbarismos.

PERSOEIRO

Bispo de Boloña. Ocupou varios cargos civís ata que se decidiu polo sacerdocio e foi bispo de Boloña cara a 430. Visitou os lugares santos de Palestina. A súa festividade celébrase o 4 de outubro.