"RL" (Contén)

1. Conxunto de la unha vez tosquiada, sexa en forma de pel estendida, tal como se presenta inmediatamente despois da rapa, sexa en feixes, que é como se presenta unha vez desfeita.

2. Pel lanar e curtida dun carneiro, un año ou unha ovella.

3. élaro do carneiro alado que Zeus enviou para salvar a Frixos e Hele, que fuxían da súa madrasta Ino, quen quería sacrificalos. A cabalo do carneiro, Frixos conseguiu chegar a Cólquida, sacrificou o carneiro a Zeus e ofreceulle o seu vélaro de ouro ao rei, que o consagrou a Ares, pendurouno dunha aciñeira do bosque sagrado e púxolle un dragón para custodialo. Alí foron buscalo os argonautas con Xasón. Na Idade Media deu nome á Insigne Orde do Vélaro de Ouro.

PERSOEIRO

Empresario galego. Logo de formarse como analista programador informático en 1979 na escola de formación de Seresco en Vigo, fundou en 1984 Input Sistemas, da que foi director técnico até 1989. Nese mesmo ano fundou Open Soft Servicios Informáticos, unha das empresas tecnolóxicas de maior proxección no mercado galego, da que é administrador e director de tecnoloxías. A súa especialidade é o desenvolvemento de software de xestión empresarial para sectores verticais, entre os que ten ampla experiencia no ámbito da distribución, a alimentación, a hostalería e os seguros. Dende 2007, ano no que completou a súa formación cun curso de dirección de empresas TIC na Escola de Negocios de Caixanova, ampliou a súa actividade a novos sectores, como a seguridade da información (Os-NetBack), polo que lle concederon o premio INEO á mellor aplicación TIC de Galicia no ano 2010, e á eficiencia enerxética intelixente (Os-Sinergy). Secretario e tesoureiro de INEO, a asociación de empresas de tecnoloxía...

1. Situar unha embarcación en paralelo e co costado moi próximo a outra ou ao peirao de xeito que só quedan separadas polas defensas.

2. Chocar unha embarcación contra outra con máis ou menos violencia.

PERSOEIRO

Astrofísico norteamericano, director do Observatorio de Washington. Estudiou a distribución da enerxía no espectro solar ao cuantificar mediante o pirheliómetro o valor e a temperatura do Sol.

PERSOEIRO

Gambista alemán, discípulo de J. S. Bach e músico da corte de Dresden. Foi un compositor notable de música instrumental.

PERSOEIRO

Mestre de obras que no ano 1832 edificou a capela maior e a sancristía da igrexa parroquial de Santa Cristina de Barro (Noia).

PERSOEIRO

Psicanalista alemán. Discípulo de Sigmund Freud, fundou a Sociedade Psicanalítica de Berlín (1910), primeira póla da Asociación Psicanalítica Internacional, presidida por el mesmo de 1924 a 1925. O seu traballo máis importante é A short study of development of the libido (Un pequeno estudo do desenvolvemento da libido, 1924).

PERSOEIRO

Licenciado en Medicina pola Universidade de Bos Aires (1961), traballou no Michael Reese Medical Center de Chicago. É profesor na Loyola University e xefe da sección de Endocrinoloxía do Hospital Hines de Chicago. Fillo do dirixente galeguista na emigración Xosé Abraira, foi o primeiro Secretario Xeral das Mocedades Galeguistas (Bos Aires, 1953), membro do consello de redacción do xornal Adiante (1954-1955) e un dos promotores na capital porteña da organización Follas Novas (xullo 1957), divulgadora do libro galego. Colaborador na prensa galeguista de Bos Aires (1953-1960) e autor de Vixencia de Castelao nas novas xeracións galegas (1961).

GALICIA

Exerceu profesionalmente como notario na Coruña e en Madrid. Autor de diversas publicacións sobre temas xurídicos galegos como Derecho foral gallego (1970) e Para un axeitado dereito foral galego, incluído no libro colectivo Estudos do dereito foral galego (1973).

PERSOEIRO

Ilustrador. Diplomado en Artes Aplicadas. Xunto con Miguel Anxo Prado, Juan Carlos Nazabal, Imanol Zinkunegi e outros traballa no eido da animación e ilustración (Estudio Tangaraño). Entre as súas publicacións destaca un Libro de Xeografía e Historia e diversas colaboracións en revistas e xornais (Repinaldo, Santiago 7 días, Azul y Blanco). Participante en exposicións colectivas (II e III Bienal da Caricatura, Ourense; Humor Gráfico Joven y Brillante 96, Alcalá de Henares; Salón del Humor, Madrid; I Premio XIV Concurso Galego de Cómic (Xuventude 98, Ourense) e II no certame ‘Humor Gráfico’ Casa do Humor (Fene 1998).

PERSOEIRO

Químico alemán. Desenvolve o método de Marggraf para extraer azucre da remolacha en grandes cantidades.

PERSOEIRO

Compositor de música escénica. Foi profesor no conservatorio de París. Compuxo 39 óperas, entre as que cómpre mencionar Le postillon de Longjumeau (O condutor de Longjumeau, 1836) ou Si j’étais roi (Se eu fose rei, 1852), e o ballet Giselle (1841).

PERSOEIRO

Teólogo alemán. Escribiu, entre outras obras, Das Wesen des Katholizismus (O celme do catolicismo, 1924).

PERSOEIRO

Diplomático norteamericano fillo de John Quincy Adams. Destacou na campaña antiescravista e foi fundador do Partido Republicano. Foi embaixador en Londres (1861-1868) e representante dos EE UU na arbitraxe internacional da cuestión de Alabama (1882). Publicou Life and Works (Vida e obra, 1850-1856) de John Adams e unha parte do diario do seu pai (1874-1877).

GALICIA

Atleta olímpico. No campionato do mundo de campo a través júnior de 1986 gañou a medalla de bronce por equipos. Participou nos mundiais de campo a través desde 1989 a 1997 (agás no 1996) acadando a medalla de bronce por equipos en 1990, 1991 e 1995. Participou nos campionatos europeos de cross nos anos 1994, 1995 e 1996, quedando 4º no 1994. Participou nos Xogos Olímpicos de Barcelona (1992) chegando ás semifinais dos 10.000 m lisos. Foi campión de España de cross no ano 1994   e campión galego no 1992 e 1999. A súa marca nos 5.000 m do campionato galego é a vixente hoxe en día.