"Zeppelin" (Contén)

Grupo de rock británico formado en 1968 polo guitarrista Jimmy Page, o cantante Robert Plant, o baixista/teclista John Paul Jones e o batería John Bonham. Foi un dos grupos máis innovadores e influíntes na historia do rock. Da súa discografía destacan Led Zeppelin I (1969), Led Zeppelin II (1969), Led Zeppelin III (1970), Led Zeppelin IV (1971), In Through the Out Door (1979) e CODA (1982).

Tipo de dirixible de estrutura e cuberta metálica que empregaba o hidróxeno ou o helio como gas para inflar os globos sustentadores do aparato. Foi ideado e construído polo conde Ferdinand von Zeppelin, que logrou o seu primeiro voo o 2 de xullo de 1900. Durante a Primeira Guerra Mundial foron empregados nos ataques aéreos alemáns e tras a guerra fixeron voos comerciais, dos que destacan os primeiros transoceánicos do Graf Zeppelin (1928) e o Hindenburg (1936) ata o inicio da Segunda Guerra Mundial, aínda que tiveron serios problemas de seguridade que produciron algúns accidentes, como o do Hindenburg en 1937.