"coquín" (Contén)

Persoa que percorría, nas primeiras horas da noite, as rúas de Santiago de Compostela para pedir aos veciños que rezasen polas almas dos defuntos do purgatorio e para que encomendasen a Deus a alma do arcebispo Alonso de Fonseca. Apareceu na primeira metade do s XVI, nomeado polo concello compostelán. Cara a 1694, coa negativa do concello, a Universidade encargouse de seguir sufragando os seus gastos ata principios do s XVII.

Molusco bivalvo de cuncha que mide o dobre de longa que de ancha (ata 40 mm). Presenta bordo dentado e vértice descentrado, superficie lisa e brillante de cor variable (dende o violeta ao acastañado por fóra e branco ou violeta na cara interior) e dous sifóns curtos. É unha especie propia das praias de area fina e lixeiramente lamacenta, das embocaduras dos ríos ou de lagoas litorais. Recóllese con angazos e raños. Presenta unhas características gustativas e culinarias semellantes basicamente ás da ameixa, moi popular sobre todo na costa de Andalucía occidental. Consómese tanto crúa coma en sopas e arroces. Tamén se denomina cadelucha, navalliña e ameixa negra.