"Santiago" (Contén)

GALICIA

Barítono, actor e crítico musical. Realizou os seus estudos musicais no Conservatorio Profesional da Coruña, onde debutou como tenor en 1974, e na Escuela Superior de Canto de Madrid. Actuou en España e Hispanoamérica e, a partir de 1970, comezou as súas colaboracións coa Agrupación Cultural “O Facho”. Promoveu a creación da Asociación Musical Andrés Gaos (1974), escribiu varias pezas teatrais, entre elas O cadixo, e editou o disco No bico un cantar.

PERSOEIRO

Apostolo e primeiro bispo de Xereusalén. A tradición faino curmán de Xesús. Atribúeselle a epístola que leva o seu nome e participou no denominado concilio de Xerusalén. A súa iconografía represéntao cunha maza porque foi golpeado ata a morte despois de ser condenado polo Sanedrín a morrer apedreado. A súa festividade celébrase o 3 de maio.

PERSOEIRO

Frautista. Coñecido como Miguel de Santiago, formouse no Conservatorio Profesional da Coruña e no Conservatorio Superior de Música de Madrid con importantes mestres internacionais como Freitas Branco, Alain Marion ou Igor Markewicht. Diplomado en Música de Cámara, Música Antiga e Dirección de Orquestra, actuou en diversas cidades españolas e do estranxeiro baixo a dirección de mestres como Roxelio Groba. Foi solista na Banda e Orquestra Municipal da Coruña e ocupou a cátedra de Frauta do Conservatorio Profesional de Música da Coruña. Posteriormente, foi mestre de frauta do Conservatorio Superior de Música de Vigo. Publicou diversas obras e métodos para frauta e gaita. Recibiu a Medalla de Ouro da Sovrano Militari Ordini di Malta.

PERSOEIRO

Xornalista e poeta. Traballou en El Diario Español, El Español, La Época, El Siglo Futuro e El Correo Español. Entre a súa obra poética destaca “El destino español” e os catro poemas galegos que figuran no Álbum de la Caridad, “O vello churrusqueiro”, “O chorar de Sabela”, “O amor de Minga” e “Á memoria do inspirado autor do Desconsolo”.

GALICIA

Enxeñeiro. Doutor enxeñeiro e diplomado en Maxisterio e Planificación e Administración de Empresas, foi delegado do Colegio de Ingenieros del ICAI en Galicia e presidiu o Patronato do Pedrón de Ouro.

GALICIA

Pintor, fotógrafo e dramaturgo. Coñecido como Kukas, fixo a súa primeira exposición en 1967 e promoveu a creación do grupo FOGA. Deseñador de libros e carteis, alternou a fotografía artística coa dirección escénica de pezas teatrais, centrándose nas representacións da compañía de títeres para adultos que fundou, Os Monicreques de Kukas (1979). Publicou Monicreques (1987), Don Gaiferos (1993) e Unha noite no Pórtico do Paraíso; A culpa foi de Mozart; A rúa das balconadas (2000).

SEMANARIOS

Semanario publicado en Santiago de Compostela a partir do 13 de febreiro de 1842. Subtitulouse “Periódico crítico, satírico, burlesco, de literatura y costumbres. Las letras, letras de cambio. Gallardo”. Fundado e elaborado por Antonio Romero e Xosé Rúa, satirizou a literatura e os costumes da época, o que provocou a súa suspensión por orde gobernativa. Saíu os domingos, editado nos obradoiros do libreiro e impresor Xosé Núñez Castaño.

ENTRADA LARGA

Comarca urbana situada no SO da provincia da Coruña e no O da Comunidade Autónoma de Galicia. Limita ao N coas comarcas de Ordes (concello de Tordoia) e Xallas (concello Santa Comba), ao S coas comarcas de Tabeirós-Terra de Montes (concello da Estrada) e Deza (concellos de Silleda e Vila de Cruces), ao L coas de Arzúa (concellos do Pino e Touro) e Ordes (concellos de Trazo e Oroso) e ao O coas da Barcala (concellos da Baña e Negreira), Noia (concellos de Noia e Lousame) e O Sar (concellos de Rois e Padrón). Abrangue unha superficie de 689,5 km2, nos que acolle unha poboación de 144.742 h (2001), distribuída entre os concellos de Ames (80 km2; e 18.782 h), Boqueixón (73,2 km2; 4.267 h), Brión (74,9 km2; 6.233 h), Santiago de Compostela (220,6 km2; 90.188 h), Teo (79,3 km2; 15.476 h), Val do Dubra (108,7 km2; 4.765 h) e Vedra (52,8 km2; 5.031 h). A cidade de Santiago de Compostela experimentou unha expansión...

GALICIA

Escritora e xornalista. Correspondente do Faro de Vigo en Lalín, colaborou nos xornais La Voz de Galicia e Xornal Diario, así como en Radio Noroeste, onde dirixiu o programa cultural A arte de ler. Deu a coñecer a súa poesía nas revistas A festa da palabra silenciada e Trapa, e na carpeta de Edicións do Dragón Oito e médio (1992). Publicou Flor de tan mal xardín (1994), gañadora do II Premio de Poesía Fermín Bouza Brey, e Berce das estampas (1998). Foi galardoada co Premio Periodístico do Concello de Dozón (1991).

GALICIA

Profesor e xornalista. Profesor e director da Escola Normal en Ourense, foi subdirector de La Zarpa e colaborador de El Pueblo Gallego, e dirixiu   o semanario La República desde 1930 a 1931. Participou nas actividades políticas republicanas e obreiristas de Ourense durante a Segunda República. En 1931 formou parte do comité executivo da Agrupación Radical Socialista de Ourense. Escribiu o prólogo do libro IV Melodía. Desfíe de ambente galego (1935), de M. García Paz.

GALICIA

Poeta. A súa obra, de clara vontade rupturista, achégase á linguaxe dos medios audiovisuais e da publicidade para retratar e satirizar a vida urbana. Publicou Derrapa e cai (1994).

MUNICIPIOS

Municipio da provincia de Jaén, Andalucía, situado na serra de Segura e delimitado ao L por Albacete (4.267 h [2001]). É un mercado agrícola ademais de destacar na produción de enerxía eléctrica.