"Martin" (Contén)

GALICIA

Filólogo. Foi profesor de lingua e literatura españolas no Servicio Exterior da Dirección Xeral de Relacións Culturais do Ministerio de Asuntos Exteriores. Publicou Santiago de Compostela, meta del mundo medieval (1945), Contribução de Camões na literatura espanhola (1952), Dicionário espanhol-português (1957), Gramática espanhola para portugueses (1958) e Dicionário português-espanhol (1959). Foi membro correspondente da Real Academia Galega, do Grupo Português de Estudos Brasileiros e do Instituto Cultural de Porto. Recibiu as encomendas de Alfonso X el Sabio e de Isabel la Católica.

GALICIA

Militar e político. Foi gobernador militar (1917-1920) e civil (1920-1922) de Barcelona, cargo en que destacou pola súa situación en contra dos sindicalistas, especialmente contra a CNT, mediante a aplicación da Lei de Fugas. Miguel Primo de Rivera nomeouno director xeral de seguridade e ministro de Gobernación (1925-1930). Exiliado en Francia (1931), voltou a España en 1936 para unirse ao alzamento militar. Ocupou a carteira de Orde Pública (1938) no primeiro goberno de Franco, despois de ser desde 1937, xefe de seguridade interior.

PERSOEIRO

Político. Partidario de A. Lerroux, foi ministro de Comunicacións no goberno provisional de 1931. Xefe da minoría radical no Congreso de los Diputados e ministro de Gobernación (1933), fíxose cargo da presidencia do goberno. Rompeu as relacións con Lerroux e fundou o partido Unión Republicana. En 1945 foi presidente da República no exilio.

PERSOEIRO

Avogado. Dirixiu o programa Con la Ley en la Mano, emitido por Radio Noroeste e posteriormente por Radio Voz e a asesoría xurídica do R.C. Celta de Vigo, do que foi vicepresidente. Desde 1995 traballou como avogado de Greenpeace en Galicia. Especialista na emigración galega, publicou diversos traballos sobre montes comunais.

PERSOEIRO

Tenista. Coñecida como Conchita Martínez, é profesional desde 1988. Gañou o Torneo de Wimbledon (1994), cinco títulos da Copa Federación (1991, 1993, 1994, 1995 e 1998), catro títulos no Aberto de Roma (1993, 1994, 1995 e 1996), a medalla de prata nos Xogos Olímpicos de Barcelona (1992) e a medalla de bronce nos Xogos Olímpicos de Atlanta (1996), ambas as dúas con Arantxa Sánchez Vicario como parella de dobres.

GALICIA

Artista plástico. Formouse con Alberto Castro Couso e Ana Martínez Pasarín e participou nas exposicións celebradas na praza da Princesa de Vigo (1978). A súa obra caracterizouse pola utilización de técnicas mixtas, como a colaxe e os acrílicos sobre madeira ou tea. A súa temática abordou a relación entre fondo e figura, moitas veces na procura de valores tridimensionais que o achegaron á abstracción aínda que incorporando elementos sólidos á pintura como madeiras, teas ou metais. Na década de 1990 evolucionou cara a unha mestura técnica entre pintura e escultura. Destaca a serie Yapeyú (1997).

GALICIA

Futbolista. Xogou no Rácing de Ferrol e no Real Zaragoza (1958-1969), co que gañou tres Copas do Xeneralísimo e unha Copa de Ferias formando parte da dianteira coñecida como “Los cinco magníficos”. Foi internacional en 14 ocasións e proclamouse campión da Eurocopa (1964), onde marcou o gol da vitoria na final.

GALICIA

Escritor. En 1947 emigrou a Cuba, Venezuela e outros países americanos, onde comezou a escribir os primeiros textos. Posteriormente viaxou a Alemaña e Suíza, ata que en 1959 se asentou na Coruña, onde publicou Islas y penínsulas (1996) e Antropografía (2000), con prólogo de Antonio Fraguas.

GALICIA

Fotógrafo. Especializado en fotografía publicitaria e en imaxes relacionadas coa pintura, a escultura e a arquitectura, encargouse da elaboración do catálogo da colección de Arte Galega da Xunta de Galicia (1989), ademais de ilustrar La meta del Camino de Santiago (1995), Camino del Sudeste, vía de la Plata (1999) e La escultura en Compostela (2002).

GALICIA

Pintor. Especializouse na figura humana, na paisaxe e nas naturezas mortas, nunha estética impresionista.   Realizou diversas exposicións individuais e participou en diversas convocatorias da Bienal de Pontevedra. Da súa obra destaca a Fachada de la catedral de Orense. Recibiu o Premio Nacional de Pintura al Aire Libre (1971).

GALICIA

Cantante. Coñecida como Pilocha, gravou varios discos individuais, entre os que destaca Calamidad sentimental (1997), un disco como cantante do Grupo de Cámara Universitario (1979) e colaboracións con Uxía e Milladoiro.

GALICIA

Poeta. Doutor en Filosofía, cultivou a poesía en galego e castelán dentro de distintas tendencias poéticas. Preocupado polas cuestións filosóficas, concibe a súa obra como unha forma de coñecer aquilo que non se pode ver a través dun método indutivo e reflicte nela elementos propios da natureza e da paisaxe. Das súas obras destacan Lento esvaece o tempo (1990), Orballo nas camelias (1993), O silencio das árbores (1995) e Compostela, vella memoria (2004).

PERSOEIRO

Actriz. Coñecida como Belén Constela, participou en numerosas producións das compañías Caritel, Centro Dramático Galego, Teatro do Noroeste, Espello Cóncavo e UR Teatro. Traballou nas series de televisión Pratos Combinados (1995), Rías Baixas (1999) e El Comisario (2001), e nos filmes Sei quen es (1999) e Días de voda (2002). Recibiu o Premio María Casares de Teatro (1998 e 2000) na categoría de mellor actriz secundaria.

GALICIA

Economista e profesor. Foi vicepresidente e conselleiro delegado do Banco Exterior de España (1978-1989) e presidente do Banco Simeón (1983-1989), do Banco de Asturias (1990-1996) e do grupo Natwest España (1990-1998). Escribiu El fomento a la exportación en el desarrollo económico (1966), Las regiones españolas ante la asociación con Europa (1966), Crédito y banca es España: análisis y estrutura (1971), Dicionario Planeta de Economía (1980) e La transición económica de España (1990). Recibiu a Medalla Castelao (1988).

GALICIA

Xornalista. Foi redactor e responsable de servicios informativos de TVE en Galicia, e director de informativos da TVG. Traballou en Faro de Vigo e O Correo Galego e foi redactor-delegado da revista Chan en Madrid e correspondente de La Vanguardia e da revista Economía. Ademais, exerceu como xefe de prensa da Universidade de Santiago de Compostela, redactor xefe da Axencia Galega de Noticias (AGN) e director de Atlántico Diario. Das súas obras destaca Las Celulosas (1976). Recibiu o Premio Nacional de Periodismo Universitario, o Premio Ciudad de Vigo e o Premio Nacional de Periodismo Gastronómico Álvaro Cunqueiro.

PERSOEIRO

Arquitecto. Artista renacentista protexido polo abade Maximiliano de Austria, ao ser este nomeado bispo de Cádiz encargoulle a construción da igrexa de Santa Cruz ou catedral vella e a finalización do claustro grande de Los Arrayanes ou del Cementerio na cartuxa da Defensión de Jerez de la Frontera. En 1603, ao ser promovido o seu mecenas ao arcebispado de Santiago de Compostela, converteuse en mestre de obras da catedral, onde realizou o peche do coro, o estribo da torre das campás e a escalinata da fachada principal, na praza do Obradoiro. Reordenou a praza da Quintana, dirixiu a obra do claustro do convento de San Francisco e do colexio de San Clemente e interveu na igrexa de San Martiño Pinario (1611). Escribiu Cerramientos y trazas de montea.