"OCR" (Contén)

Acción e efecto de procrear.

Que ou quen procrea.

Producir os homes ou os animais novos individuos da súa especie por medio da reprodución.

Erro cronolóxico que consiste en presentar un feito nunha época ou data anterior á que ocorreu.

Rama da física do estado sólido que estuda a estrutura cristalina dos corpos sólidos, e que emprega técnicas de difracción de radiacións electromagnéticas (raios X) ou técnicas de difracción de partículas (electróns e neutróns). Foi usada por primeira vez por M. von Laue en 1912.

Propiedade dos corpos de deixar penetrar ou atravesar, máis ou menos, os raios X.

Método de análise cualitativa e cuantitativa baseado na cromatografía sobre papel. A sensibilidade de detección foi aumentada pola utilización de substancias marcadas (marcaxe radioactiva) ou pola irradiación do papel con neutróns. Empregouna M. Calvin no estudo da fotosíntese.

Procedemento para establecer unha cronoloxía por medio da radioactividade dunha mostra.

Partido político africano fundado en 1946 por Félix Houphouët-Boingy, Daniel Quezzin Coulibaly e Sekou Touré. O seu obxectivo era conseguir a independencia dos territorios baixo a administración francesa do norte do golfo de Guinea. Ao acceder os estados africanos á independencia dividiuse en diversos partidos independentes.

Organización política de Sáhara Occidental proclamada en febreiro de 1976 baixo o impulso do Frente Polisario e que pretende o seu recoñecemento como estado polos outros países do mundo. Recoñecida por máis de sesenta países, é membro de pleno dereito da OUA pero non da ONU. Ante a vontade de Marrocos de anexionarse o territorio e a resistencia da poboación saharauí, esta organización proxectou en 1988 un referendo para decidir a súa lexitimidade, consulta aínda pendente de celebrarse. Co apoio de Alxeria, posúe un exército de liberación, dirixido polo Frente Polisario, que combate as forzas ocupantes marroquís, controla diversas formas do territorio saharauí e administra os campos de refuxiados establecidos na rexión alxeriana de Tindouf.

República Democrática Alemana [Alemá].

Combate librado entre as forzas francesas e as españolas ante a cidade de Rocroi nas Ardenas o 19 de maio de 1643. As tropas españolas integradas polos terzos e comandadas polo militar portugués Francisco de Melo, gobernador de Flandres, asediaron Rocroi a causa do seu interese estratéxico e das poucas tropas de que dispoñía. A derrota representou o fin do espírito da ofensiva española en Europa.

Carbonato de manganeso, de fórmula MnCO3 que cristaliza no sistema romboédrico, en cristais pequenos. É exfoliable e fráxil e presenta unha cor rosada de tons diversos, cun brillo vítreo. Ten unha dureza de 4 e un peso específico de 3,4 a 3,6. É un importante mineral de manganeso.

Título do Imperio Bizantino, creado en 1081 por Aleixo I Comneno a favor do seu irmán Isaac. Na xerarquía bizantina ocupou o primeiro grao, ata que, en 1163, Manuel I creou o título de déspota.

Grupo político británico xurdido en 1981 a raíz dunha escisión do Labour Party protagonizada por Roy Jenkins, David Owen, William Rodgers e Shirley Williams. Mantivo unha alianza electoral co Liberal Party que fracasou no intento de romper o sistema bipartidista.

Movemento socialista caracterizado pola renuncia ao marxismo, a aceptación das institucións liberal-democráticas e unha práctica política de tipo moderado. Desde finais do s XIX ata a Primeira Guerra Mundial fai referencia aos partidos políticos de inspiración marxista, sobre todo en Alemaña, países escandinavos e Rusia. A primeira tendencia revisionista do marxismo, protagonizada por E. Bernstein, rexeitaba a ditadura do proletariado e preconizaba unha transformación lenta do sistema capitalista, que se convertería en socialista mediante un proceso de reformas graduais e sucesivas, conseguidas a través da loita parlamentaria, en que os socialistas habían de buscar a alianza dos partidos burgueses da esquerda. As tendencias revisionistas penetraron profundamente na práctica política de diversos partidos socialistas, como o Sozialdemokratische Partei Deutschlands, o Partido Socialdemócrata Danés, o Partido do Traballo de Noruega e o Partido Socialdemócrata Sueco. O Labour Party británico...