"Ea" (Contén)

Xénero de plantas tropicais, arbustivas ou arbóreas, da familia das lauráceas, que presentan follas simples, alternas e coriáceas e inflorescencias axilares ou terminais. Son explotadas pola súa madeira, que se emprega na construción, e polos aceites esenciais que se extraen das cortizas. Das especies deste xénero destaca O. foetens, que alcanza os 25 m de altura, que se pode atopar en Canarias, e O. rodiaei, árbore de América tropical.

aíña tubular que se sitúa na base do pecíolo e está formada por dúas estípulas membranosas concrescentes, que aparece nas plantas da familia das poligonáceas e noutras plantas de flores alternas.

Que está provisto de ócrea.

Poema grego de vinte e catro cantos, hexamétrico, que se atribúe a Homero (ss IX-VIII a C). Conta, alternando a primeira e a terceira persoa narrativas, as aventuras de Odiseo (Ulises na tradición latina), un dos heroes que asediaran Troia, no seu retorno por mar a Ítaca, a súa terra de partida. A acción transcorre durante os dez anos de peregrinación desde que sae de Troia ata que definitivamente chega ao seu reino. Dividida en tres partes ou elementos, amodo de terceto, a primeira conta a viaxe de Telémaco, fillo de Ulises (Telemaquia); a segunda narra as fantásticas aventuras no regreso do heroe á súa patria (O exilio de Odiseo); e na terceira cóntase como Ulises chega á súa casa e vence os pretendentes da súa muller, Penélope (A toma de Ítaca). Os trazos literarios que o poema reflicte son máis modernos ca os da Ilíada, e ás veces moi próximos aos de Os traballos e os días de Hesíodo e aos dos poemas do ciclo épico que se perderon. A diferenza da Ilíada, na Odisea establécese unha complexa...

Organización dos Estados Americanos.

Conxuntivite aguda purulenta causada por un gonococo que pode producir lesións importantes na córnea.

Reacción que consiste nunha rubién e nunha inflamación da conxuntiva, observable particularmente nos enfermos tuberculosos e tíficos, cando se lles instilan as toxinas da súa enfermidade.

Liñaxe galega con orixe en diversos lugares. Unha rama asentouse en Riobó (Rodeiro). Trae como armas, en campo de azul, cinco medias lúas de prata, coas puntas cara a arriba e entre cada unha delas, unha estrela de ouro. Outra variante trae, en campo de azul, unha media lúa de prata, e en cada ángulo do escudo, unha estrela de ouro. Outros traen, en campo de prata, un castelo de goles; bordo componado de ouro e azul, en cada peza de ouro unha estrela en azul e en cada peza de azul, unha estrela de ouro. Presenta a variante Oxea.

  (O Barco de Valdeorras 1919 - 8.2.2004) Empresario da hostalaría e alimentación, promotor inmobiliario e filántropo. Deu a coñecer e sufragou a rehabilitación do cadoiro da Pincheira e do Santuario de Nosa Señora das Dores, en Fervenza e a construción da estrada que a comunica coa capital municipal.

Xénero de árbores ou arbustos, da familia das oleáceas, que se caracteriza por ter follas perennes, simples, opostas e coriáceas, flores tetrámeras dispostas en panículos ou acios e froito en drupa. A especie máis coñecida é a O. europaea.

Revista trimestral editada en Vigo a partir da primavera de 1994. Subtitulouse “Boletín do departamento de patrimonio histórico e medio ambiente do Concello de Vigo”. Cesou ao redor da primavera de 1995. Dirixido por Rafael Ojea Pérez, contou coa asistencia técnica de Gonzalo López Márquez. Nos seus apartados, sempre cunha perspectiva de respecto ao medio natural, tratou temas relacionados coa arqueoloxía, a etnografía, a mellora ambiental, a natureza urbana, a historia, a inspección ambiental, a biodiversidade e as directivas e normativas europeas. Destacou polo seu rigor científico e a súa capacidade divulgativa.