"GR" (Contén)

1. ariedade de esquío que se cría en Siberia e que é moi apreciado en peletaría.

2. Pel deste animal.

PERSOEIRO

Xogador de xadrez xeorxiano. Foi campión da URSS en 1959 e 1961, e campión do mundo en 1963 e 1969. Practicaba un xogo moi defensivo.

PERSOEIRO

Violoncellista. Despois dunha etapa no Cuarteto Lenin, integrouse como violoncellista principal na orquestra do Bol’šoj. Formouse en Leipzig con Julius Klengel e entre 1924 e 1928 formou parte da Filharmónica de Berlín. Tras o seu debut coa Filharmónica de Nova York, iniciou unha xira por todo o mundo e colaborou con intérpretes tan coñecidos como Heifetz, Horowitz, Milstein e Rubinstein. Especializado no repertorio romántico, estreou concertos de Castelnuovo-Tedesco (1935), Hindemith (1941) e Walton (1957), realizou a primeira interpretación do concerto de Prokof’ev (1940) en EE UU e executou o Don Quijote de R. Strauss.

PERSOEIRO

Militar francés. Xacobino destacado en Besançon, foi xefe do exército que conquistou Países Baixos (1794). En 1795 foi nomeado xefe das forzas do Rin e pasouse secretamente á causa monárquica. Obrigado a dimitir polo Directorio (1796), foi detido e deportado.

MONTES

Monte situado na parroquia de Vilapena (Trabada). O seu cumio acada os 542 m de altitude.

XACEMENTOS

Xacemento arqueolóxico maia situado no val do río Usumacinta, en Guatemala. A cidade floreceu nos ss VII e VIII, durante a época clásica. As esculturas, estelas e placas con relevos, feitas en pedra calcaria, considéranse das mellores e máis perfectas da arte maia.

IGREXAS

Igrexa situada en Santiago de Compostela. Datada na primeira metade do s XVIII, ten unha soa nave de planta rectangular con muros de cantaría de granito. No seu interior destaca o altar maior, obra de Miguel de Romay (1720), en que hai un Xesús Cristo policromado realizado por Castor Lata Montoiro. Na fachada sitúase unha fornela en forma de vieira que acolle unha imaxe de vulto redondo da Virxe do Pilar. O conxunto coróase nos extremos con dúas torres.