"ALE" (Contén)

PERSOEIRO

Animador cinematográfico francés de orixe rusa. Inventou a pantalla de agullas: imaxes compostas por miles de agullas que, máis ou menos afundidas, modifican a superficie que se filma segundo unha iluminación rasante. Todas as súas películas seguiron unha técnica de filmación imaxe por imaxe. As súas obras máis importantes son Une nuit sur le mont Chauve ( Unha noite no monte Chauve, 1933), o prefacio de Procès (O proceso, 1962) de Orson Welles e Le nez (O nariz, 1963) sobre a obra de Gogol.

PERSOEIRO

Halterofilista ruso. Foi nove veces Campión de Europa e dez veces do Mundo. Conseguiu dúas medallas de ouro olímpicas nos pesos super pesados (nos Xogos de Múnic 1972 e nos de Montreal 1976).

1. Agnose que comporta a perda da facultade de ler. Preséntase en diferentes graos, desde a incapacidade para recoñecer as palabras ata a non identificación das letras. Unha forma especial é a alexia musical ou perda da facultade de ler os signos musicais.

2. cegueira verbal.

PERSOEIRO

Comediógrafo grego, un dos representantes máis característicos da chamada comedia media. Da súa produción (cerca de 250 obras teatrais) só se conservan fragmentos illados; algúns deles foron publicados por Kock en Comicarum atticarum fragmenta (Leipzig, 1884).

PERSOEIRO

Novelista haitiano de lingua francesa. Seguidor da corrente indixenista. Autor, entre outras, das novelas Compère général soleil (1955), Les arbres musiciens (1956) e Romancero aux étoiles (1960) no que, cun estilo rico e poético, trata a situación social do home negro.

PERSOEIRO

Escritor francés, gran defensor do Naturalismo. É famosa a súa resposta telegráfica a unha enquisa do diario Le Figaro, no 1891: “Naturalisme pas mort. Lettre suit”. Cultivou tamén o teatro e a novela.

PERSOEIRO

Escultor italiano. Foi discípulo de debuxo de Ludovico Carracci. Restaurou obras clásicas en Roma (1625). Autor da Tomba del Cardenal Mellini (Santa Maria del Popolo, Roma). Foi un clásico académico que reaccionou contra o barroquismo de Bernini.

ESPA¥A

Concello da provincia de Cádiz, Andalucía, na Serranía de Ronda (5.691 h [1996]). Caracterízase pola súa agricultura mediterránea. Explota canteiras de caliza.

PERSOEIRO

Antropólogo e médico da Universidade de Columbia (Nova York). Aplicou a teoría evolutiva á análise dos problemas sociais modernos.

PERSOEIRO

Pintor italiano. Discípulo de Miguel Anxo e do Bronzino, é autor dos frescos da Capela Gaddi de Santa María Novella en Florencia.

ESPA¥A

Concello da provincia de Badajoz, Extremadura, na Tierra de Barros (27.209 h [1996]). Agricultura mediterránea (oliveira e vide). Gandería lanar. Industria de transformación dos produtos agropecuarios: viño, aceite, olivas, licores, etc. Foi fundada polo Rei Fernando III e poboada con colonos procedentes da cidade de Mérida en 1228. En 1536 o Emperador Carlos V outorgoulle o título de vila. Conserva a igrexa da Purificación, gótica, e os pazos do marqués de Monsalud, do marqués da Encomenda e dos condes de Oliva. Foi o lugar de nacemento do poeta romántico español José de Espronceda.