"An" (Contén)

DISTRITOS

Distrito de Sri Lanka (7.179 km2; 750.000 h [estim 1994]. A capital é Anurādhapura (36.248 h [1991]), cidade fundada no 437 a C e que acadou o seu apoxeo no inicio da era cristiá. Foi abandonada no s IX e as súas ruínas foron descubertas en 1833. É un conxunto de templos e mosteiros, e lugar de peregrinación para os budistas.

1. Que non ten cola.

2. 1. Que pertence á orde dos anuros.

   2. Anfibio da orde dos anuros.

   3. Orde de anfibios integrada por unhas 2.000 especies de animais relativamente ben adaptados á vida terrestre, saltadores e carentes de cola en estado adulto. Teñen unha columna vertebral curta, e as extremidades posteriores bastante longas en disposición parasaxital, adaptadas ao salto. A pel é lisa ou verrugosa, e algúns anuros teñen glándulas velenosas. Os ollos, redondos e saídos, teñen unha membrana transparente que fai de terceira pálpebra. A miúdo carecen de dentes e a maioría posúen unha lingua protáctil que empregan para cazar insectos. A maioría levan unha vida predominantemente terrestre e respiran por pulmóns ou cutaneamente; aínda que na fase larval, cabezolo ou cágado, todos son acuáticos e respiran fundamentalmente por branquias. De distribución mundial, viven á beira de lagoas, estanques, ríos, etc, agás nas zonas sumamente frías ou desérticas. En Galicia están presentes 5 familias das 21 que integran esta orde: discoglósidos, pelobátidos, hílidos, bufónidos e ránidos.

PERSOEIRO

Poeta persa na corte do Sultán selxúcida Sangar (1117-1157). É autor dunha famosa epístola en verso (Lágrimas do Khorasan). É considerado un dos mellores panexiristas da literatura persa.

CAPITAIS

Capital da provincia de Anveres, en Flandres (Bélxica), situada ao fondo do esteiro da Escalda (459.072 h [1995]). Forma unha auténtica conurbación con Bruxelas, con preto de 4 millóns de habitantes entre os 40 km que separan as dúas cidades. O núcleo antigo está no interior dun recinto murado do s XVI. A cidade esténdese á beira do río e posúe un dos portos máis importantes do mundo tanto polo seu tráfico como polas súas instalacións. Aínda que a súa importancia tamén se debe á súa proximidade ás rexións de industria pesada do noroeste de Europa. O gran movemento portuario favoreceu o nacemento dunha industria moi diversificada (refinerías, petroquímica, autómobil, agroalimentaria, talle de diamantes, etc). Unida ao Sacro Imperio Romano-Xermánico, converteuse no 1008 no centro dun marquesado dependente do ducado de Brabante e do Imperio. A cidade, sen embargo, non adquiriu relevo ata o s XIV, cando comezou a monopolizar o tráfico entre Inglaterra e o oeste de Alemaña. Anveres converteuse...

TERRITORIOS

Territorio dos Países Baixos, unha das dezasete antigas provincias. Cara ao 950 quedou baixo a autoridade do Sacro Imperio Romano-Xermánico, e no 1008 foi erixida como marquesado baixo a dependencia do Imperio e do duque de Brabante, a partir do cal seguiu as vicisitudes históricas da casa de Brabante.

1. Relativo ou pertencente a Anveres, cidade de Bélxica.

2. Natural ou habitante de Anveres.

1. Cara principal, oposta á posterior, daqueles elementos en forma de lámina constituídos por dúas superficies.

2. Cara principal dunha moeda, medalla, etc por contraposición á cruz ou reverso.

3. Cara principal do selo onde están gravados a efixie, armas, divisas ou emblemas da persoa ou corporación á que pertence.

4. 1. Cara ou fronte dunha folla ou un manuscrito.

   2. Nun libro, páxina que está á dereita do lector e que leva a numeración impar.

5. Superficie superior da folla, que normalmente recibe os raios do sol. Adoita ser máis verde e lisa ca a cara inferior ou reverso.

PERSOEIRO

Xeográfo e cartógrafo francés. Primeiro xeógrafo real (1719), do seu traballo destaca o conxunto de mapas que elaborou para a Description géographique de la Chine (Descrición Xeográfica da China, 1735) do xesuíta J. B. du Halde. Publicou os seus mapas máis importantes nun Atlas Géneral (1737-1780).

PERSOEIRO

Nativa da cidade italiana de Foligno, foi pecadora ata que perdeu o seu home e os fillos, tralo que se arrepinte e ingresa na terceira orde de san Francisco. Loitou contra as tentacións da carne deixando un libro de visións e instrucións místicas.

PERSOEIRO

Foi a fundadora da orde das Educadoras Ursulinas en Brescia dedicada á educación de nenas pobres. Quedou cega durante unha viaxe a Xerusalén, curando logo milagrosamente.

PARROQUIA

Parroquia do concello de Boimorto baixo a advocación de santa María.

PARROQUIA

Parroquia do concello de Brión baixo a advocación de santa María.

PARROQUIA

Parroquia do concello de Melide baixo a advocación de santa María.