"Das" (Contén)

Papas elaboradas cunha base de fariña de avea.

Organismo da Unión Europea constituído en 1985 en Louvain-la-Neuve (Valonia, Bélxica). Foi creada por nove organizacións interrexionais europeas para reforzar a representación das rexións nas institucións comunitarias. Tivo un papel destacado na creación do Comité das Rexións e impulsou os traballos do Consello Consultivo das Colectividades Rexionais. Componse dunha asemblea xeral e de seis comités que traballan nos problemas específicos que afectan ás rexións.

Organización internacional que ten como obxectivos impulsar o progreso económico, social e cultural dos países do SL de Asia e constituír un foro onde se discuta sobre a paz e a estabilidade da rexión. Creada en Bangkok (8.8.1967), os seus membros fundadores son Brunei, Filipinas, Indonesia, Malaisia, Singapur e Tailandia. Vietnam ingresou no 1995 e, no 1997, fixérono Laos e Myanmar. Camboxa e Papúa-Nova Guinea asisten ás xuntanzas da organización en calidade de observadores e Corea do Sur posúe un estatuto especial.

Naceu en Ourense no 1984, encargada de organizar na Escola Universitaria de EXB da cidade de Ourense a denominada “Escola Ibérica de Verão-Jornadas de Ensino de Galiza e Portugal”. Trátase dun movemento de renovación pedagóxica reintegracionista.

  (Rodas s I a C) Escultor grego. Autor, xunto con Axesandre e Polidoro, do grupo escultórico de Laocoonte e os seus fillos, exemplo salientable da estatuaria helenística, malia estar realizado con carácter de relevo, predominando a visión frontal, contraria aos esquemas helenísticos de aprehensión espacial da obra de arte (multiplicidade de puntos de vista, desenvolvemento helicoidal, visualización en perímetro circular completo, etc).

Guiarse polo tacto por mor da escuridade para recoñecer as cousas.

Empresa constituída o 16 de outubro de 1973 que pasou a ser pública o 20 de xaneiro de 1984. O seu único accionista é ENA (Empresa Nacional de Autopistas). O seu presidente é José Miguel Ortí Bordás e o director xeral Andrés Muntaner Pedrosa. En 1973 Autopistas del Atlántico, CESA (Audasa) conseguiu a concesión da construción, conservación e explotación da A-9, formando con outras sociedades concesionarias o Grupo ENA. O trazado desta autoestrada vai dende a localidade coruñesa de Fene ata a cidade de Vigo, sen interrupción.

Empresa francesa de construcións aeronáuticas, constituída a raíz da fusión en 1971 dos Ateliers d’Aviation Louis Breguet (ou Breguet-Aviation) co grupo Marcel Dassault, que xa adquirira Breguet-Aviation no 1967. Fabrica avións civís (como o Mystère) e, sobre todo, avións militares Mirage, Jaguar, Alphajet e Super-Eténdard.

Elevación da parroquia de Fontaneira, no concello de Baleira, de 726 m de altitude.

Grupos que protagonizaron a revolta campesiña contra os grandes propietarios e o poder romano. Os inicios do movemento dos bagaudas sitúanse a finais do s II d C, pero tivo moita importancia durante a crise do s III e perdurou durante todo o Baixo Imperio Romano (ss IV e V). A documentación é escasa e non reflicte a importancia que tivo esta revolta. Os labregos arruinados polos impostos, prófugos, desertores ou escravos vivían en rebeldía fronte á administración romana, practicando a bandidaxe e o saqueo. Comezou na Galia e estendeuse durante o s IV á Tarraconense, onde Valentiniano III tivo que enviar un exército dirixido por dous xenerais ao alto val do Ebro, pero non resolveu a situación, xa que existen noticias de expedicións militares de castigo posteriores. Eran escravos, colonos agrícolas e campesiños pobres e libres. A revolta manifestouse sobre todo nas zonas de grandes propietarios. Ás veces téñense relacionado con movementos heréticos como o Priscilianismo.

Situado na parroquia de Partovia, concello do Carballiño, é de orixe romana. Xa no Dicionario geográfico-estadístico-histórico de España (1845-1850) de Pascual Madoz hai referencias a estas augas. O actual edificio data de 1842.