"Pin" (Contén)

PERSOEIRO

Arquitecta. A súa obra destaca pola posta en valor dos espacios ordenados e polo emprego do oco nos muros exteriores. Obras súas son a casa de Vilar das Tres, no Carballiño (1974), e a rehabilitación da Casa da Cultura de Carballiño (1980-1983), realizado xunto a Alfredo Freixedo Alemparte e Fernando Blanco Guerra.

PUBLICACIÓNS

Publicación de periodicidade irregular que edita desde o ano 1992 a asociación Blas Espín de Ponte do Porto, en Camariñas. Desde o número dous figura como director Rafael Lema e como redactores Andrés Figueiras e Eduardo Reimúndez. Ten un marcado carácter poético e recolle nas súas páxinas composicións de autores da bisbarra como Rafael Lema, director da publicación, Xosé Manuel Lema e Miro Villar, entre outros. Desde o número 2, de xuño de 1992 subtitúlase “Voceiro dos colectivos culturais da Costa da Morte. Reserva poética e cultural do Occidente”. Os tres primeiros números eran á man, da autoría de Eduardo Reimúndez, un dos redactores, pero o número 4 de 1993 xa foi editado en caracteres tipográficos. Desde xullo de 1997 consta de 24 follas, mantendo o mesmo contido poético.

PARROQUIA

Parroquia de Xunqueira de Ambía baixo a advocación de santa Mariña.

PERSOEIRO

Pintor. Denominado como Columbano, foi discípulo en París de Carolus Duran. Pertenceu ao Grupo do Leão, escola naturalista que reaccionaba contra a arte oficial. Na súa obra o empastamento domina sobre o debuxo. Abrangueu toda unha época da arte portuguesa. Dos seus retratos salientan os de Antero de Quental, Guerra Junqueiro e Eça de Queirós. Cultivou tamén a pintura de xénero e os grandes murais.

PERSOEIRO

Ilustrador e caricaturista. Fundou numerosas publicacións e foi correspondente gráfico de The Illustrated London News nas guerras carlistas españolas. Foi autor tamén de caricaturas satíricas de factura policromada.

PERSOEIRO

Lexicógrafo agostiño italiano. Autor dun dicionario latín-italiano que se publicou en 1502 co título de cornucopiae, que posteriormente se ampliou coa correspondencia con outros idiomas como o francés, o alemán e o inglés.

PERSOEIRO

Pintor flamengo. Identificado co chamado mestre de Flémalle, foi decano do gremio de pintores de Tournai (1423) e mestre de Rogier van der Weyden (1427). A súa única obra documentada é o fresco da Anunciación (1406) da igrexa de Saint Brice de Tournai. Das obras que se lle atribúen destacan o Descendemento da Cruz e o tríptico da Anunciación, anteriores a 1430, e a Madonna da Gloria, de época posterior.

PUBLICACIÓNS

Publicación de carácter agrícola subtitulada “Órgano de las Hermandades de labradores y ganaderos”. Apareceu na Coruña no ano 1945 e cesou despois de 1948.

CIDADES

Cidade do estado de Paraíba, Brasil (351.606 h [1995]). Fundada en 1773 co nome de Princesa do Oeste, converteuse a mediados do s XIX nun dos principais centros produtores de café do Brasil. A partir do desenvolvemento económico logrado, consolidou unha industria que a sitúa como a maior cidade industrial do interior nordeste do Brasil. Posúe un centro de ensino superior, a Universidade Regional do Nordeste, fundada en 1966.