"Uri" (Contén)

PERSOEIRO

Antropólogo francés. Realizou investigacións entre os baruya de Nova Guinea (1967). Integrouse na École Pratique des Hautes Études e posteriormente foi profesor de antropoloxía no Collège de France. Designado director de estudios na École des Hautes Etudes en Sciences Sociales (1975), fundou o Centre de Recherche et de Documentation sur l’Océanie (CREDO) en 1995 e dirixiuno ata 1999. Foi director científico do Musée du Quai Branly (1997-2000). Fundador da antropoloxía económica francesa, combinou o marxismo co estruturalismo de H. Lévi-Strauss. Das súas obras destacan Rationalité et irrationalité en économie (1966), La prodution des Grands Hommes (1982) e L’énigme du don (1996).

PERSOEIRO

Lingüista e foneticista francés. Foi membro do Institut de France e profesor da Universidade de Montpellier. Especialista de gramática comparada, tamén estudiou a fonética e a versificación. En fonética traballou para establecer os principios xerais do cambio fonético, seguindo a tradición atomista e filolóxica da fonética histórica. Considerou as leis fonéticas como universais que actúan no cadro sistemático propio de cada lingua particular. Foi o primeiro en formular a lei das tres consoantes do francés, modelo de regra fonolóxica sincrónica. Cómpre destacar as súas obras Dissimilation consonantique (1895), Traité de phonétique (1933), Essai de psychologie linguistique: style et poesie (1950) e Le vers français (1954).

GALICIA

Artista plástica. Autora das series Mass+ó e EN CLAVE DE FA los, protagonizada polos faros das costas galegas, realizou a súa primeira exposición individual en Vigo (1988) e desde entón expuxo en Cangas, Ponteareas, Moaña e Madrid. Entre outras mostras colectivas participou na Bienal Novos Valores de Pontevedra (1985 e 1989) e en diversas convocatorias de Arte no Morrazo.

1. Termo da verba dos arxinas, ou xerga dos canteiros, que corresponde á voz ‘noiva’.

2. Termo da verba dos arxinas, ou xerga dos canteiros, que designa ‘unha vella solteira’.

1. Relativo ou pertencente aos gúridas.

2. Membro da dinastía sunnita de Irán que gobernou (1148-1215) o actual centro de Afganistán, con capital en Fīroz Kūh. Impúxose aos gaznévidas (1150) e estendeu o seu dominio a todo o N da India. Un dos seus membros fundou o Sultanato de Delhi.

PERSOEIRO

Compositor e organista. Estudiou en París con V. d’Indy. En 1939 trasladouse a Madrid, onde ensinou órgano no conservatorio, que dirixiu posteriormente. Renovador da ópera vasca, da súa produción destaca Mirentxu (1910) e Amaya (1920). Así mesmo, compuxo obras sinfónicas, música de cámara e zarzuelas.

MUNICIPIOS

Municipio da Comunidad Autónoma de Cantabria, drenado polo río Agüera e delimitado ao S por Euskadi (1.765 h [2001]). A cabeceira do municipio é El Puente. Posúe agricultura (cereais, legumes) e gandería (bovina). Ademais da industria derivada (produtos lácteos), posúe manufacturas de ferro e serradoiros. O encoro de El Juncal aprovéitase para producir electricidade. Do seu patrimonio cultural destacan o castelo do Caze e as casas dos Pinta e os Villota.

MONTES

Monte que serve de límite ás parroquias de Irixoa e O Viveiró, no concello de Muras. O seu cumio acada 928 m de altitude.

1. Relativo ou pertencente os hadrosáuridos.

2. Dinosauro pertencente á familia dos hadrosáuridos.

3. Familia de dinosauros ornitópodos pertencente á superfamilia hadrosaurios. A característica diferenciadora desta familia é o cranio plano, e algúns tiñan bultos óseos no fociño. Engloba, entre outros, os xéneros Kritosaurus, Hadrosaurus, Shantungosaurus, Maiasaura, Edmontosaurus.

PERSOEIRO

Sociólogo francés. Influído por Marx e Durkheim, usou a estatística e o cálculo de posibilidades nos seus estudios sobre as clases sociais e as necesidades humanas. Das súas obras destacan Les cadres sociaux de la mémoire (1925) e Morphologie sociale (1934).

1. Relativo ou pertencente aos halosáuridos.

2. Peixe teleósteo da familia dos halosáuridos.

3. Familia de teleósteos haplones, abisais e fisoclistos. Presentan o corpo alongado e afiado con aletas ventrais nunha posición abdominal. Engloba os xéneros Holosaurus, Holosauropsis e Aldrovandia.

1. Relativo ou pertencente á heurística.

2. Que serve para descubrir ou inventar.