"ISM" (Contén)

Alteración do pulso que consiste na palpitación dunha segunda onda, que ten relación co pechamento da válvula aórtica. É perceptible en certos estados morbosos con tensión arterial baixa.

Actitude do que busca diferenciarse de algo ou de alguén.

Bisección f entre dúas aberturas de dous espacios vectoriais normais, tal que f e f-1 son derivables e as derivadas son continuas.

Teoría que explica a orixe das características que conforman as culturas, en calquera dos seus aspectos, a partir da propagación destas características desde un centro difusor. Na súa forma extrema, presupón a existencia duns poucos centros difusores da cultura e oponse, polo tanto, á idea de paralelismo cultural que sostén que as diferentes culturas chegarían a producir resultados semellantes, aínda que de forma independente. Desenvolveuse a principios do s XX en Europa. Os seus defensores máis destacados foron os ingleses G. E. Smith e W. J. Perry, os alemáns W. Schmidt e F. Graebner e o estadounidense C. Wissler. As ideas difusionistas levaron a definición de áreas e círculos culturais. Aínda que se admiten fenómenos de difusión cultural, a maioría dos antropólogos rexéitano como teoría xeral da xénese das culturas.

Tipo de cruce entre dous individuos que teñen dous xenes dialélicos non ligados, e tamén a segregación mendeliana á que dá lugar este cruce. Por exemplo, o cruce dunha semente de chícharo amarelo e redondo con outra de verde e rugoso e, a segregación que hai na segunda xeración filial.

Calidade ou actitude de diletante.

Tendencia artística italiana de carácter futurista que se caracterizou polo gusto pola velocidade pura. Pertenceron a ela, entre outros, Carrá, Marinetti e Severini.

Metamorfismo dinámico que se dá como resultado do aumento de presión ou tensión ao longo das dislocacións da codia terrestre. As rochas deformadas presentan moi a miúdo zonas cunha estrutura de gran moi fino. Un exemplo son as milonitas.

Adhesión a unha dinastía.

Fenómeno relativo aos fungos que presentan dúas formas de zoosporas. As zoosporas primarias liberadas, despois de se enquistaren, orixinan unha zoospora secundaria que formará agrupacións celulares; posteriormente, enquistarán e xerminarán co que orixina un tubo xerminal e unha hifa. O período entre esporas primarias e secundarias varía segundo as especies. Pode ocorrer que as zoosporas primarias non cheguen a saír do esporanxio e só sexan libres as secundarias. Este fenómeno preséntano, entre outros, os fungos do xénero Saprolegnia.

Política estatal que consiste en orientar a actividade económica do Estado mediante a intervención directa ou indirecta. Apareceu a partir do New Deal (1932) para facer fronte a numerosas crises de funcionamento do sistema e institucionalizouse a través de plans económicos.

Uso lingüístico que consiste en aludir a un concepto mediante palabras ou expresións que teñen un matiz pexorativo ou despectivo, por exemplo, empregar napia para referirse ao nariz. É frecuente na literatura humorística, na sátira ou na parodia burlesca. OBS: Oponse ao termo eufemismo.

Menstruación difícil ou dolorosa. Pode ser primaria, cando se produce como consecuencia de contraccións uterinas severas e anormais que teñen lugar durante o período menstrual, ou secundaria, cando é conscuencia doutra alteración do organismo, como a endometriose.

Trastorno da linguaxe mímica que impide expresar os pensamentos mediante os xestos.

Trastorno ou debilitamento da memoria.

Reacción de desproporción.