"AND" (Contén)

PERSOEIRO

Emperador de Bizancio (1328-1341). Fillo de Miguel IX, morto no 1320. Deposto do seu dereito á sucesión pola morte do seu irmán Miguel, orixinouse unha guerra civil (1321) que rematou coa abdicación do seu avó Andrónico II (1328). Entregou o goberno a Xoán VI Cantacuceno. Durante o seu reinado proseguiu o avance dos turcos e serbios, pero logrou restablecer a autoridade bizantina sobre Quíos e Lesbos.

PERSOEIRO

Emperador de Bizancio (1376-1379). Destituíu ao seu pai Xoán V e gobernou ata que este recuperou o trono (1379).

PERSOEIRO

Poeta latino. Foi levado cativo a Roma, e máis tarde foi liberado polo seu amo. Deu a coñecer as obras clásicas gregas, adaptándoas e imitándoas e mesmo traduciu a Odisea. Durante a Segunda Guerra Púnica foille encargado un himno, polo cal está considerado como o iniciador da lírica latina.

1. Relativo ou pertencente á andrónovo.

2. Cultura prehistórica da Idade de Bronce de Siberia Occidental que toma o seu nome da poboación de Andrónovo e que se estendeu cara ao O dos Urales entre o segundo milenio e os primeiros séculos do primeiro milenio a C.

PERSOEIRO

Político ruso. Ingresou no PCUS (1939) e foi membro do comité central e do seu secretariado (1962-1967 e 1982). En 1967 converteuse en líder da policía política (KGB) e en 1976 en Xeneral do exército (1976). Secretario xeral do PCUS (1982), tamén herdou o cargo de Presidente do Presidium do Soviet Supremo (1983). Durante o seu breve mandato intentou unha moderada reforma do sistema.

ILLAS

A máis extensa do arquipélago das Bahamas, situada ao L da punta meridional de Florida (5.957 km2; 8.180 h [1990]). É baixa, areosa, con lagos e atravesada por canais navegables e polo río Goose (25 km), o único das Bahamas. Industria pesqueira e turística. A illa foi chamada ‘Isla del Espíritu Santo’ polos españois.

ILLAS

Situada en Grecia no nomós das Cícladas, no Mar Exeo. É a máis setentrional do arquipélago. De relevo montañoso, a cima culminante é o Kubarion (1.009 m). A capital da illa é Andros, un pequeno porto da costa occidental.

1. Que é producido polos homes.

2. Relativo ou pertencente á acción dos homes.

1. Que produce órganos, células e outras estruturas de carácter masculino.

2. Que provoca ou estimula a aparición de caracteres sexuais masculinos.

3. Cada unha das hormonas sexuais de acción masculinizante segregadas polos testículos, polo córtex suprarrenal e, en pequena cantidade, polos ovarios. Todos os andróxenos naturais son derivados do androsteno. Deles dependen os caracteres sexuais: virilidade, crecemento dos órganos xenitais, desenvolvemento do instinto sexual, etc. Os andróxenos máis importantes son a testosterona e a androsterona.

4. Que enxendra homes.

1. Pseudohermafroditismo parcial no home e na muller. Os individuos con gónadas masculinas (testículos) presentan cliptorquidia e teñen certos caracteres sexuais externos da muller. Os individuos con gónadas femininas (ovarios) presentan algúns caracteres sexuais externos masculinos.

2. Presencia na mesma planta de órganos reprodutores masculinos e femininos.