"Dis" (Contén)

PERSOEIRO

Político grego, conde de Kapodistrias. En 1809 entrou ao servizo do tsar Alexandre de Rusia e en 1816-1822 foi o seu conselleiro en política exterior. En 1828 foi elixido presidente de Grecia, e tres anos máis tarde foi asasinado nun atentado.

REXIÓNS

Rexión do SO de Asia, de límites pouco precisos, dividida entre Turquía, parte de Armenia, N de Iraq, NO de Irán e unha pequena parte de Siria. É unha rexión montañosa con altitudes superiores aos 3.500 m, moi seccionada por profundas gorxas de difícil acceso que favoreceu o mantemento da comunidade kurda e as súas tradicións. Defensores da independencia nacional, os kurdos rexeitaron someterse ao poder dos soberanos que os dominaron, feito que provocou frecuentes rebelións locais. Trala derrota otomana na Primeira Guerra Mundial, os kurdos, apoiados pola Declaración Wilson (1918), que contemplaba a autonomía das nacionalidades non turcas que formaran parte do imperio, aspiraron á independencia, proposta polo Tratado de Sèvres (1920). O rexeitamento do líder nacionalista turco Kemal Atatürk e as diferencias tribais impedírono e polo Tratado de Lausanne (1923) o territorio kurdo fraccionouse entre Turquía, Siria, Iraq, Irán e Armenia. Os ingleses incluíron Mossul e Kirkūk, cos seus...

PERSOEIRO

Duque de Cracovia (1296-1300 e 1306-1320) e rei de Polonia (1320-1333), fillo de Casimiro, duque de Brest Kujawiski. En 1305, coa axuda dos rusos e húngaros, conquistou Cracovia e dominou Polonia. Proclamado rei, combateu a orde teutónica.

PERSOEIRO

Rei de Hungría (1077-1095), fillo de Bela I. Sucesor do seu irmán Xeza I, acabou de cristianizar Hungría e limitou a influencia da aristocracia. Entre 1091 e 1095 anexionou Eslovenia e Croacia, onde fundou o bispado de Zagreb. Canonizado en 1192 por santo Estevo de Hungría e santo Emerico, a súa festa celébrase o 27 de xuño.

PERSOEIRO

Rei de Polonia (1386-1434), fillo do gran príncipe Olgerd I de Lituania. Primeiro monarca da dinastía Jagellón, accedeu ao trono ao casar con Eduvixe, filla do Rei Luís I. Loitou contra a orde teutónica (1410, 1413-1414 e 1422).

PERSOEIRO

Rei de Polonia (1632-1648), fillo e sucesor de Sexismundo III. Abandonou as reivindicacións ao trono ruso e polo Tratado de Pollnow (1634) recibiu os ducados de Smolenski e Černigov. En 1635 tivo que asinar con Suecia o armisticio de Sztumska Wiés.

PERSOEIRO

Rei de Hungría (1272-1290), fillo e sucesor de Estevo V. Mantivo diversas loitas internas entre as faccións da nobreza, que o levaron á perda da súa hexemonía nos Balcáns e en Galitsia.

PERSOEIRO

Rei titular (1444-1453) e efectivo (1453-1457) de Hungría, rei de Bohemia (Ladislau I; 1440-1457) e arquiduque de Austria (1453-1457), fillo póstumo do Emperador Alberte II. Durante parte do seu reinado, János Hunyadi fíxose cargo da rexencia de Hungría, mentres que Xurxo de Poděbrady administrou Bohemia.

PERSOEIRO

Rei de Bohemia (1471-1516) e de Hungría (1490-1516), fillo do Rei Casimiro IV de Polonia. Xurxo I designouno como o seu sucesor ao trono de Bohemia, ao que accedeu fronte á oposición do partido católico, que estaba do lado de Matías I de Hungría. Sucedeu a este como rei de Hungría.

CIDADES

Cidade da provincia de Roma, Italia, situada na costa do Mar Tirreno (19.877 h [1991]).

REXIÓNS

Rexión do NO de Inglaterra, situada no condado de Cumbria (2.243 km2). Dun núcleo montañoso central (Scafell Pike, 978 m alt), cuberto de bosque, irradian profundos vales, modelados pola acción glacial, con diversos lagos (Windermere). Desde 1951 constitúe un Parque Nacional. A economía local baséase na gandería extensiva e na avicultura.

1. Relativo ou pertencente aos latifundios ou ao latifundismo.

2. Propietario dun ou máis latifundios.