"BRE" (Contén)

PERSOEIRO

Político, marqués de Villena e duque de Escalona. Foi lugartenente de Catalunya (1693-1694) e vicerrei de Aragón (1694-1695), de Sicilia (1701-1702) e de Nápoles (1702-1707). De volta a Madrid, propúxolle a Filipe V a creación da Real Academia Española de la Lengua (1714), da que foi o primeiro presidente.

PERSOEIRO

Pintor. Estudiou pintura na Escuela de Bellas Artes de San Fernando de Madrid (1943). Na Coruña foi profesor na Escola de Náutica e Máquinas (1948), no Instituto Masculino (1950), na Escola de Comercio e na Escola de Artes e Oficios Artísticos (1957), da que foi director. Membro da Real Academia de Bellas Artes Nuestra Señora del Rosario (1969), foi dende 1980 vogal do padroado do Museo de Belas Artes da Coruña. Presidiu a Asociación de Artistas da Coruña (1952-1953). Realizou numerosas exposicións individuais na Coruña.

PUBLICACIÓNS

Publicación de carácter político aparecida na cidade de Ferrol a partir de 1931. Foi a voceira dos republicanos federais.

PERSOEIRO

Rei de Navarra (1328-1343) e conde de Évreux. Casado en 1317 con Xoana II de Navarra, foi proclamado rei de Navarra en 1328, polo que se viu obrigado a renunciar os seus dereitos ao trono francés. Aínda que se enfrontou en varias ocasións co rei castelán Afonso XI, colaborou con este no sitio de Algeciras (1342).

PERSOEIRO

Hispanista e historiador británico. Coñecido como Gerald Brenan, residiu en Andalucía entre 1919 e 1936, e novamente dende 1953. Publicou, entre outras obras, The Spanish Labyrinth (1943), The Face of Spain (1950) e The Literature of the Spanish People (1951).

PUBLICACIÓNS

Publicación editada en Hannover a partir de 1980. Escrita, entre outros, por X. Duarte Seoane, trátase do voceiro do centro galego fundado nesa cidade alemana. Contén información de carácter societario, xunto con artigos sobre a arte, a cultura e as tradicións de Galicia. Incluíu tamén fotografías de actos institucionais e de personaxes galegos, xunto con viñetas humorísticas.

PERSOEIRO

Duque de Bretaña (1442-1450). Apoiou a Carlos VII de Francia no seu enfrontamento cos ingleses en Normandie, onde fixo arrestar o seu irmán Gilles, aliado do monarca inglés.

PERSOEIRO

Duque de Bretaña (1458-1488). Sucesor do seu tío Artur III de Richemont, enfrontouse a Luís XI de Francia, ao querer este reducir a independencia do seu ducado (1464). Durante a rexencia de Ana de Francia, interveu na Guerre Folle (1845), pero foi derrotado polas forzas da rexente.

FILOSOFOS

Filósofo e sociólogo. Formado en dereito, medicina e filosofía, foi profesor de dereito internacional na École des Sciences Politiques. Entre as súas obras destaca Les sophistes allemands et les nihilistes russes (Os sofistas alemáns e os nihilistas rusos, 1887).

1. Relativo ou pertencente ao defunto ou aos defuntos.

2. Relativo ou pertencente á morte ou que a evoca.

3. Que ten ou mostra tristeza.

PUBLICACIÓNS

Publicación de carácter republicano editada en Bos Aires a partir do 18 de xuño de 1937. Cesou a súa edición aos tres ou catro meses. Subtitulouse “Semanario popular informativo”. Fundado e dirixido por Luís Seoane e Xosé Núñez Búa, nos seus artigos tentaba difundir os dereitos do pobo galego á súa autodeterminación.

PUBLICACIÓNS

Publicación de carácter sindicalista editada a partir de setembro de 1968. Subtitulouse “Órgano das Comisións Obreiras”. Tentou ser un instrumento de comunicación para os traballadores no que se promovía a oposición ao réxime franquista e ao capitalismo.

PERSOEIRO

Eclesiástico e escritor galés. Coñecido como Gerallt Cymro ou Gerald de Barri, foi arcediago de Brecknock e cara ao 1184 estivo ao servizo do Rei Enrique II, etapa durante a que escribiu importantes compilacións sobre a historia de Irlanda e de Gales, caracterizadas por unha grande inventiva. Nomeárono dúas veces para o cargo de bispo de Tyddewi, sen embargo, a súa oposición á autoridade anglonormanda sobre a igrexa de Gales e a súa ambición de independizar Tyddewi do bispado de Canterbury, ocasionaron a anulación do seu nomeamento.

ILLAS

Illa do NO de Europa, a máis grande das illas do arquipélago británico (229.334 km2; 58.057.300 h [estim 2000]). Comprende Inglaterra, Escocia e Gales.