"Ith" (Contén)

PERSOEIRO

Pedagoga. Fundou e dirixiu (1915-1936) a Residencia de Señoritas da Institución Libre de Enseñanza e a sección de ensino do Instituto-Escuela (1918). Exiliouse a Arxentina en 1936; e o seu pensamento educativo, vinculado á Institución Libre de Enseñanza, baseábase na escola activa a través de Fröbel, Giner e Bartolomé Cossío. Destacan as obras La Pedagogía en Londres y las escuelas de párvulos (1909) e El problema de la Ética: la enseñanza de la moral (1938).

PERSOEIRO

Teorizador político, ensaísta e diplomático. Partidario do anarquismo, evolucionou cara á ideoloxía de dereitas, e en La crisis del humanismo (1919) propugnou un retorno aos valores católicos e tradicionais. Coa proclamación da Segunda República (1931) dirixiu a publicación reaccionaria Acción Española e en Galicia colaborou na revista Spes, editada en Pontevedra. Escribiu Hacia otra España (1899), Don Quijote, Don Juan y La Celestina (1926), Norteamérica desde dentro (1926), Defensa de la Hispanidad (1934) e o ensaio La brevedad de la vida en la poesía lírica española (1935).

PERSOEIRO

Soprano suíza. Debutou en 1956 e distinguiuse polos seus papeis mozartianos e en óperas francesas. Formou parte da Deutsche Oper de Berlín, coa que fixo xiras por Rusia, Xapón e EEUU. Cultivou a oratoria e participou nos festivais de Salzburgo, Múnic e Glyndebourne.

PERSOEIRO

Escritora estadounidense. En 1940 acadou un grande éxito coa súa primeira novela The Heart is a Lonely Hunter (1940). Tamén publicou Reflections in a Golden Eye (1941), cunha versión cinematográfica de John Houston (1967), e o libro para nenos Sweet as a Pickle, Clean as a Pig (1964).

PERSOEIRO

Enxeñeiro e construtor aeronáutico. En 1928 fundou en Milwaukee a J. S. McDonell Jr and Association e, en 1939, creou a McDonnell Aircraft Corporation.

1. Relativo ou pertencente aos mekhitharistas.

2. Membro dunha formación relixiosa armenia fundada en Constantinopla en 1701 polo vardapet Pedro Manuk, cunha regra inspirada, en parte, na de san Bieito, polo que estiveron considerados ás veces como unha congregación bieita. En 1703, os monxes establecéronse en Peloponeso, mais en 1715 tiveron que fuxir e establecéronse na illa de San Lazzaro, en Venecia. En 1773 xurdiu outra rama, que se estableceu en Viena.

PERSOEIRO

Poeta e novelista inglés. Escritor dunha gran penetración psicolóxica e unha visión moi subxectiva da vida, iniciouse na poesía coa compilación Poems (1851), á que seguiron Modern Love (1862) e Ballads and Poems of Tragic Life (1887). Das novelas destacan The Ordeal of Richard Feverel (1859), Vittoria (1867) e Egoist (1879).

PERSOEIRO

Coreógrafa, bailarina e compositora peruana. Naturalizada estadounidense, formouse con M. Cunningham e M. Graham, e creou o seu primeiro grupo, The House (1968), para explorar as técnicas vocais. Da súa produción destacan os espectáculos Education of the Girlchild (1972), Turtle Dreams (1982), a composición Songs from the Hill (1979) e a ópera Atlas (1991).

PERSOEIRO

Empresario da comunicación australiano. Naturalizado estadounidense, formouse en economía, historia e filosofía na Oxford University. Propietario do grupo News Corporation, controla diversas empresas de comunicación en varios países do mundo, como os xornais The Times e The Sun, e o semanario News of the World. En 1985 adquiriu a 20th Century Fox e posteriormente desenvolveu a televisión dixital en Europa a través de Newco. Ademais, creou a Phoenix Satellite Television para a emisión por cable en China e a canle Fox News Channel para EE UU.

PERSOEIRO

Profesor de educación física canadense. Foi profesor na YMCA Training School de Springfield, Massachusetts (1891) e buscou unha actividade para desenvolver nun recinto cuberto cando o mal tempo non permitía practicar deporte ao aire libre. Así, colocou unhas canastras que se empregaban para recoller pexegos a 3,05 m altura, onde había que meter un balón, o que deu lugar ao baloncesto.

PERSOEIRO

Xesuíta. Foi confesor de Mariana de Austria, muller de Filipe IV de Castela, e primeiro ministro e valido. Fíxose impopular pola prohibición das carreiras de touros e das representacións teatrais. Derrocouno Xoán Xosé de Austria en 1669.

PERSOEIRO

Militar estadounidense. Principal especialista en blindados do exército de EE UU, durante a Segunda Guerra Mundial participou nas campañas de Tunisia e Sicilia. Cabeza do terceiro exército, destacou, despois do Desembarco de Normandie (1944), pola súa penetración dentro de Alemaña.