"OUA" (Contén)

CAPITAIS

Capital de Burkina Faso e da provincia de Kadiogo, situada no centro do país (690.000 h [1993]). A industria está pouco desenvolvida, conta con fábricas eléctricas, de tecidos de algodón e de vidro. É dunha grande importancia a liña férrea que vai da capital ata Abidjan, porto de Costa de Marfil. Ten aeroporto internacional e unha universidade que se fundou en 1974.

PERSOEIRO

Pintor francés. Influído pola obra de P. Cézanne, H. Matisse e F. Léger, foi desde 1945 a personalidade máis destacada da tendencia neopicassiana. Cultivou tamén a escenografía.

PERSOEIRO

Médico. Foi profesor de patoloxía e da Faculté de París, a partir de 1876. Estudou o aparello circulatorio e en 1889 ideou o esfigmomanómetro. Publicou Des lesions des ganglions lymphatiques viscéraux (1859).

PERSOEIRO

Escritor. Deputado en 1791, achegouse aos xirondinos e foi condenado a morte. En teatro acadou un grande éxito con Les Templiers (1805), aínda que destacou especialmente polo seu Choix des poésies originales des Troubadours (1816-1821), coa que contribuíu a restituír á lingua de Oc a súa dignidade.

PERSOEIRO

Astrónomo francés. Traballou sobre todo en problemas de mecánica celeste. Estudou as perturbacións que unha gran masa sólida pode producir na formación doutros corpos sólidos, nas atmosferas dos cometas e na estrutura interna da Terra.

PERSOEIRO

Nobre francesa, marquesa de Montespan. Foi favorita do Rei Luís XIV (1667-1679), con quen tivo oito fillos que foron lexitimados polo monarca. En 1691 deixou Versailles e retirouse a un convento que ela mesma fundara en París.

PERSOEIRO

Novelista suízo. Inicialmente seguiu a corrente naturalista de Zola, pero despois estudou a alma e as paixóns humanas en novelas como Le sens de la vie (1889), La vie privée de Michel Teissier (1893), Au milieu du chemin (1900) e Aloyse Valérien (1908).

PERSOEIRO

Pintor e gravador. Discípulo de Gustave Moreau, arredor de 1898 atravesou unha crise moral e artística, que resolveu cunha orientación profundamente relixiosa ao coñecer a J. K. Huysmans e L. Bloy en 1904. Na súa obra, eminentemente expresionista e caracterizada estilisticamente polos perfís de trazos negros, describiu o sufrimento humano como desherdados da fortuna, pallasos e prostitutas, e representou sobre todo crucifixos e escenas bíblicas, como a serie de gravados Miserere.

MACIZO

Macizo paleozoico situado en Marrocos (3.404 m), cun volcán do Terciario, que une o Grande Atlas co Pequeno Atlas.

DEPARTAMENTOS

Departamento de Níxer (106.677 km2; 1.373.000 h [estim 1990]). A súa capital é Tahoua (49.948 h [1988]).

PERSOEIRO

Político francés. Partidario do blanquismo, participou na Comuna de París e tivo que exiliarse ata 1880. Elixido deputado (1893-1915), encabezou a facción blanquista ata a unificación socialista (1905).

PERSOEIRO

Pintor francés. Membro do grupo nabí, e moi influenciado pola estampa xaponesa, a súa pintura, intimista, é tecnicamente refinada. Combinou nunha mesma obra o óleo, a augada e o pastel, xeralmente sobre cartón. Das súas obras destacan Au lit (1891) e Sous la lampe (1892).