"Vega" (Contén)

MUNICIPIOS

Municipio da comarca do Bierzo, situado na provincia de León, Castela e León, e situado á beira do Camiño Francés de peregrinación a Santiago (844 h [2001]). A economía baséase no sector agropecuario. Atópase na área lingüística do galego oriental-central, e a súa historia está moi vinculada á ruta xacobea. As parroquias que o integran pertenceron á diocese de Lugo ata 1945, data en que pasaron á de Astorga. En 2000 debateuse no pleno da corporación municipal unha moción que propuña principiar a tramitación dun expediente de anexión á Comunidade Autónoma de Galicia, pero foi rexeitada e a declaración do galego como lingua oficial (2001), revogouse.

GALICIA

Escritora, condesa de Espoz y Mina. Acolleu nos salóns da súa casa da ; Coruña aos liberais que conspiraban contra Ramón María Narváez. Con Concepción Arenal, cofundou un padroado de señoras para a visita e o ensino dos presos e foi unha das organizadoras dos Xogos Florais de Galicia celebrados na Coruña. Publicou Memorias del general Espoz y Mina (1850-1852), en cinco volumes; e Historia interior del Palacio (1841-1843), que deixou manuscrito e que se publicou en 1910.

GALICIA

Actor, profesor e director teatral. Formado no Institut del Teatre de Barcelona, participou nos espectáculos Romería ás Covas do Demo (1969) e Macbeth (1975), con Teatro Circo; e dirixiu A boda de Esganarello (1981) e Para que queredes un poeta vivo (1984), da Escola Dramática Galega, da que foi cofundador.

PERSOEIRO

Político. Foi secretario xeral de Unión General de Trabajadores (1978-1988), concelleiro (1988-1991) e deputado provincial (1998-1991) en Ourense. Foi deputado no Parlamento de Galicia e senador (1989-1993) por Ourense co PSOE.

PERSOEIRO

Xornalista. Decano do Colexio Profesional de Xornalistas de Galicia desde maio de 2004. Licenciado en Ciencias da Información en Barcelona, comezou en La Voz de Galicia e na CRTVG (1986), medio no que estivo na sección de deportes, informativos (1988-1991) e xornalismo parlamentario (1991-2002). Dirixiu o programa Parlamento (1996).

PERSOEIRO

Poeta, prosista e autor dramático. Coñecido como Lope de Vega e Fénix de los Ingenios, formouse en parte nas universidades de Alcalá e Salamanca. Posteriormente ingresou na Armada e foi secretario do marqués de Sarria. De temperamento vivo e exaltado, sobre todo no aspecto sentimental, a súa intensa vida reflíctese na obra lírica, tanto nos sonetos de Rimas humanas (1602) e Rimas sacras (1614), coma nos romances compilados no Romancero general (1600) e en La Dorotea (1632). Cunha extraordinaria capacidade para imitar a poesía popular, escribiu poemas épicos, burlescos, relixiosos, históricos e mitolóxicos, narracións e novelas pastorís (La Arcadia, 1589), bizantinas (El peregrino en su patria); e curtas (La prudente venganza, 1624). En 1609 apareceu o seu Arte nuevo de hacer comedias, onde recomendaba prescindir das regras clásicas, mesturar o elemento tráxico co cómico e introducir nel o popular,...

PERSOEIRO

Relixioso. Cóengo (1649) e fabriqueiro (1658) da catedral de Santiago de Compostela, foi o impulsor do Barroco nesta cidade. Redactou o Informe sobre la construción de varias obras en la catedral de Santiago de Compostela. Converteuse no mestre de obras da catedral e realizou as trazas que executaron Bernardo Cabrera, Peña de Toro e Domingo de Andrade, ademais da súa participación no tabernáculo do Apóstolo Santiago (1658-1678). Tamén foron proxectos seus a transformación exterior da cabeceira e a edificación do pórtico da Quintana. Por problemas co cabido abandonou a cidade en 1672.

PERSOEIRO

Poeta. Considerado na Península Ibérica como o primeiro poeta humanista en lingua vulgar, formou parte da corte do Emperador Carlos I desde 1520. O seu desterro e estadía en Nápoles (1532-1535) foron fundamentais para a súa formación intelectual. A súa breve obra poética foi publicada polo seu amigo Juan Boscán en Las obras de Boscán y Garcilaso (1543). Máis adiante, os seus editores e comentaristas, Sánchez de Las Brozas e F. de Herrar, engadiron algúns poemas inéditos. Consta en total de oito cancións de metro curto, 38 sonetos, cinco cancións, dúas elexías, unha epístola a Boscán, tres églogas e tres odas latinas. As fontes principais son os clásicos, como Virxilio e Horacio, e outros autores modernos, como Ausiàs March, Ariosto, Sannazaro e, sobre todo, Petrarca. Incorporou dunha maneira definitiva o decasílabo xunto coas formas estróficas onde interveñen novos contidos e unha nova linguaxe poética. Introduciu na lírica as novas concepcións neoplatónicas sobre o mundo e así...

MUNICIPIOS

Municipio de Asturias, situado ao L da ría de Ribadeo, no límite con Lugo (4.561 h [2001]). A agricultura, a gandaría e a industria alimentaria e de maquinaria agrícola son as principais actividades económicas.

1. Relativo ou pertencente ao veganismo.

2. Persoa que adoptou o veganismo.

MUNICIPIOS

Municipio da provincia de Granada, Andalucía, situado ao S da capital provincial, regado polo Genil (3.691 h [2001]). A agricultura de regadío é a base da súa economía.