"AN" (Contén)

IGREXAS

Igrexa situada en Pontedeume. Pertenceu a un mosteiro agostiño que aparece documentado no tombo de Caaveiro nun escrito do 1169. O templo conserva na fachada unha inscrición do 1187. De estilo románico, ten planta de cruz latina cunha nave e tres ábsidas. A nave principal cóbrese cunha bóveda apuntada e a do cruceiro con bóveda de aresta, o cruce entrambas as dúas vai cuberto cunha bóveda de crucería. A fachada principal remata nun pequeno frontón culminado por unha cruz. Conserva rosetóns na fachada principal e na nave N do cruceiro. No seu interior garda unha talla románica de san Miguel.

PERSOEIRO

Dramaturgo. Influído pola narrativa española e francesa, escribiu farsas populares e comedias. Entre outras obras publicou De klucht van de Koe (A farsa da vaca, 1612) e comedias como Het moortje (O mourisco, 1615) sobre O Eunuco de Terencio.

PERSOEIRO

Astrónomo ucraíno. Fixo estudios sobre a orixe dos meteoros e describiu a súa estrutura. Perfeccionou os estudios de Bessel sobre as colas dos cometas e estableceu tres tipos distintos segundo a curvatura e a composición.

PERSOEIRO

Escultor e arquitecto italiano. Traballou esencialmente en Roma, onde desenvolveu a súa actividade escultórica en monumentos funerarios como o do cardeal Ludovico Lebretto (1465), en Santa Maria in Aracoeli, de Roma, e os de Pietro Riario (1475-1477) e de Raffaello della Rovere, ambos na igrexa dos Santos Apóstolos, tamén na capital italiana. No campo arquitectónico atribuíuselle o palacio de Giovanni della Rovere ou da Cancelleria, en Roma.

PERSOEIRO

Enxeñeiro. Fillo de Louis Breguet, en 1875 inventou un anemómetro rexistrador eléctrico e no 1878 un teléfono de mercurio. Dirixiu as instalacións eléctricas da exposición de 1881 en París e, con Charles Richet, a Revue Scientifique.

PERSOEIRO

Crítico literario suízo. En lingua alemá escribiu, en colaboración con Johann Jakob Bodmer, Kritische Dichtkunst (Arte poética crítica, 1740), onde condena a crítica poética de Johann Christoph Gottched ao defender a imaxinación e a fantasía.

IGREXAS

Igrexa parroquial situada en Silleda e documentada dende 1233. De estilo románico, consta dunha nave. O presbiterio salienta pola súa ornamentación; o seu acceso é a través dun dobre arco de medio punto: o maior está decorado con arquiños e o menor é de sección prismática. Os capiteis, canzorros e impostas tamén están decorados, así como os arcos cegos que percorren os muros laterais. Probablemente esta iconografía foi realizada por un artista de orixe non galega na órbita do mestre Mateo ou dos que traballaron no mosteiro de Carboeiro a finais do s XII.

PERSOEIRO

Mártir portugués. O seu culto remóntase ao s IX; tivo diversos mosteiros na Galicia medieval, como o de San Breixo das Donas, en terras da Ulla e Deza, e San Breixo de Arcos de Furcos. O san Breixo de Barro, de moita sona no Salnés, Morrazo e Vigo, é avogoso da reuma; o de Palas de Rei do gando vacún, en especial da produción de leite; o de Foxáns (Touro), malia ser avogoso da reuma da xente, tamén protexe as vacas porque a súa auga é moi milagreira para o ubre. De feito, a forza deste santo disque se transmite pola auga da fonte (vanse lavar na fonte do santo e o pano con que se enxugan déixano nunha silveira para que con el quede a enfermidade), polo aire do libro (os devotos axeónllanse diante do altar e póñenlle o misal aberto pola páxina da última misa dita) e polo contacto co santo (póñenllelo nos ombreiros e na cabeza). Na iconografía represéntase cunha vestimenta antiga en manto rubio e palma de martirio; en Foxáns aparece decapitado cunha espada no pescozo e barbado, e en Barro...

PERSOEIRO

Actor cinematográfico irlandés coñecido como George Brent. Comezou traballando no teatro no Bronx. Trasladouse a Hollywood onde se lle considerou un dos galáns máis destacados. Traballou con Bette Davis na Warner. Interpretou, entre outras, as películas: The crash (A explosión, 1932), More than a secretary (Escola de secretarias, 1936), Dark vitory (Amarga vitoria, 1939), The spiral staircase (A escaleira de caracol, 1946) e Born again (Nacido novamente, 1978).

PERSOEIRO

Actor cinematográfico norteamericano. Comezou traballando como extra e dobre nalgúns filmes en Hollywood. Conseguiu tres Oscar como mellor actor secundario pola súa interpretación en Come and Get it/Roaring Timber (Rivais, 1936), Kentucky (1938) e The Westerner (O forasteiro, 1940). Participou tamén nas películas Dakota (1945), Along the Great Divide (Camiño da forca, 1951), Rio Bravo (1959) e Support your Local Sheriff! (Tamén un shérif precisa axuda, 1969).

PERSOEIRO

Escritora romántica, coñecida polo nome de Bettina von Arnim. Adquiriu celebridade coa obra Goethes briefwechsel mit einem kinde (Correspondencia de Goethe cun neno, 1835). Escribiu tamén libros de carácter político e de crítica social.

FILOSOFOS

Filósofo e psicólogo alemán. Gran coñecedor de Aristóteles, fundamentou a filosofía nunha rigorosa elaboración dos conceptos. Partiu dos estudios dos fenómenos psíquicos, caracterizados pola intencionalidade. Afirmou a existencia de xuízos evidentes en si mesmos e, xa que logo, verdadeiros e, de xeito análogo, a existencia de efectos xustos ou rectos en si mesmos. Fundamentou unha teoría obxectiva dos valores e unha metafísica. As súas obras principais son Psychologie vom empirischen Standpunkt (Psicoloxía dende o punto de vista empírico, 1874), Vom Ursprung sittlicher Erkenntnis (Da orixe do coñecemento moral, 1889) e Über die Zukunft der Philosophie (Sobre o futuro da filosofía, 1893).

PERSOEIRO

Político alemán. Fundador da Christlich-Demokratische Union (CDU) en Hessen (1945), foi vicepresidente do comité director do Consello de Europa e vicechanceler do goberno federal do 1956. No 1961 foi nomeado presidente do seu partido.

PERSOEIRO

Economista alemán. Foi un dos creadores do Kathedersozialismus, unha terceira vía entre o socialismo materialista e o liberalismo. Defendeu o librecambismo e a neutralidade da administración na vida económica.