"To" (Contén)

PERSOEIRO

Actor cinematográfico. Coñecido como Christopher Lee, Terence Fisher converteuno en protagonista das novas versións de Frankenstein (1957) e Drácula (1958). Dentro do cine fantástico interpretou outros personaxes clásicos como The Mummy, Sherlock Holmes ou Rasputin. Da súa filmografía destacan The face of Fu Manchu (1965), Caravans (1978), Mask of Murder (1985), Ivanhoe (1997), Star Wars: Episode II- Attack of the Clones (2002) e The Lord of the Rings (triloxía, 2001-2003).

PERSOEIRO

Realizador cinematográfico. Coñecido como Spike Lee, a partir de 1986 erixiuse en xefe da denuncia das confrontacións raciais emprendida por unha nova xeración de cineastas negros. Realizou os filmes She’s Gotta Have It (1986), Mo’Better Blues (1990), Jungle Fever (1991), Malcom X (1992), Come Rain or Come Shine (2001) e 25th Hour (2003).

PERSOEIRO

Compositor neerlandés. Foi alumno de O. Mesiaen e interesouse pola etnomusicoloxía, materia da que foi profesor na universidade de Amsterdam. As súas obras mostran a influencia da música oriental, que combina con técnicas seriais e estatísticas.

PERSOEIRO

Óptico e naturalista neerlandés. Autodidacta, moi ben dotado para as ciencias da observación, fixo numerosos descubrimentos sobre infusorios, bacterias, glóbulos do sangue, espermatozoides e pezas bucais de insectos, utilizando microscopios dunha soa lente, que el mesmo construía. En 1722 acabou de publicar a súa Opera omnia, formada por 400 comunicacións que enviara á Royal Society e á Académie des Sciences.

GALICIA

Pintora. Diplomada en Maxisterio, formouse na Escola de Artes e Oficios de Ourense. Despois dunha primeira etapa expresionista, interesouse pola pintura espontánea e imaxinativa dos nenos e a súa inxenuidade, converténdose nunha das representantes da pintura naif. As súas obras caracterízanse pola precisión do debuxo, de carácter caligráfico, e cores planas e contrastadas. Creou paisaxes e interiores ideais onde se sitúan personaxes vestidos con ropaxes barrocas ou románticas. As súas composicións teñen unha deliberada carga literaria. Destacan, entre outras, Familia do paxariño (1982), Neno con can (1987) Nai, pai e filla das mazás (1996) e a serie Virxes. Ten obra en museos de arte naif de Francia, Italia e Portugal.

PERSOEIRO

Novelista e poeta finlandés. Dun estilo neorromántico e pesimista, pasou ao realismo burlesco, con influencias de Rabelais, ata un derradeiro período de criterios naturalistas. Putkinotko (O auxe dos malos veráns, 1919-1920) é a súa obra mestra.

PERSOEIRO

Pintor inglés. Foi o prototipo do academicismo inglés e, influído polo prerrafaelismo, reflectiu temas clásicos con ampulosa concepción e pincelada minuciosa. Das súas obras destacan La Madonna de Cimabue.

1. Moble que se emprega para descansar e durmir.

2. Calquera lugar sobre o que se dorme.

3. Base sobre a que se coloca algo.

4. Fondo do mar, dun río ou dun lago.

5. álveo.

6. Parte do carro destinada a levar a carga.

7. 1. Capa de materiais dos cimentos dunha construción que se dispoñen a maior profundidade.

   2. Cara estendida de calquera material que serve de asento a outro.

   3. Cara dun perpiaño ou ladrillo sobre a que se sitúa a fileira superior.

   4. ...

1. Cría do porco que aínda mama ou que vén de deixar de mamar hai pouco tempo.

2. Mazaroca de millo que aínda está verde e bota un líquido abrancazado semellante á cor do leite.

1. Que ten o aspecto ou as propiedades do leite.

2. Que ten a mesma cor do leite.

3. Que desprende látex.

PERSOEIRO

Militar. Despois do fracaso da campaña de Provenza (1524), detivo a acometida do exército francés cunha habilísima defensa de Pavia, entre outubro de 1524 e febreiro de 1525, ata que o exército imperial, reorganizado, atacou e derrotou os franceses.

PERSOEIRO

Actor francés. Coñecido como Frédérick Lemaître, comezou a súa carreira nos teatros de variedades, onde participaba nos máis diversos espectáculos. Despois de tres anos no Odéon, onde representou papeis menores, en 1924 participou na posta en escena do melodarama L’Auberge des Adrets no Théâtre de l’ Ambigu. Coa chegada do drama romántico realizou diversos espectáculos nos teatros Odéon, Porte-Saint-Martín, Ambigu, Folies Dramatiques e Varietés, particularmente con obras de Victor Hugo e Dumas.

GALICIA

Relixioso dominicano. Catedrático de Teoloxía na Universidad de Valladolid, foi predicador de misións en Castela e Galicia e profesor en diversos conventos dominicanos. Centrouse nos debates teolóxicos sobre a predestinación e a graza e foi comisionado para acudir a Roma a defender as teses dominicanas fronte ás xesuítas na Congregación de Auxiliis (1598). Foi consultor xeral do Santo Oficio e confesor privado e mestre do Sacro Palacio en Roma. Destaca a súa obra Panoplia Gratiae.

PERSOEIRO

Músico, compositor e cantante inglés. Formou xunto con Paul McCartney o grupo de The Quarrymen, que en 1956 se converteu en The Beatles ao entrar en contacto con George Harrison e Ringo Starr. Con The Beatles editou varios discos e fixo varias películas, como Yelow Submarine (1969). Despois da separación do grupo comezou a súa carreira en solitario na que destaca a gravación de Imagine (1971), Double Fantasy (1980), a colaboración con David Bowie en “Fame” e o musical Oh Calcutta. A súa personalidade converteuse nun dos símbolos principais da contracultura do s XX.