"DOM" (Contén)

PERSOEIRO

Pintor, decorador, artista gráfico e escritor. Formouse con Ramón Pitchot, que o introduciu no impresionismo, e despois con Juan Núñez en Figueres. En 1921 ingresou na Escuela de Bellas Artes de San Fernando e na residencia de estudiantes coñeceu a Federico García Lorca, Luis Buñuel e outros membros da Xeración do 27. Interesouse nun primeiro momento polo cubismo e pola obra de Juan Gris para despois rexeitalo e achegarse á pintura metafísica. En 1922 expulsárono da escola de belas artes e en 1924 foi arrestado en Girona baixo a sospeita de axitación política. En 1925 realizou a súa primeira exposición universal nas galerías Dalmau de Barcelona. Ese mesmo ano regresou á escola de belas artes, da que foi definitivamente expulsado ao ano seguinte, e viaxou a París, onde coñeceu a Picasso. A pintura dos seus primeiros anos, o Manifest Groc (1928), os seus artigos, en revistas como L’Amic de les Arts, e as súas conferencias (1930), provocaron reaccións violentas entre os conservadores...

PERSOEIRO

Pintor serbio. A súa obra evolucionou dende as formas xeométricas ata as propostas minimalistas nos anos cincuenta e a arte conceptual dende os setenta.

PERSOEIRO

Último rei de Persia (336-330 a C). Membro dunha rama lateral dos aqueménidas, accedeu ao poder despois do envelenamento de Artaxerxes III e mais o seu fillo. Enfrontouse á invasión de Alexandre o Grande, quen venceu o xeneral mercenario Memnón de Rodas na Batalla de Gránico (334 a C) e despois a Darío III en Isos (333 a C). Intentou deter o avance de Alexandre ofrecéndolle Asia Menor, pero este rexeitouno e Darío III foi derrotado de novo en Gaugamela (331 a C). Despois desta batalla Darío buscou refuxio na Bactriana, onde morreu asasinado polo sátrapa Bessos.

PERSOEIRO

Pintor, escultor e arquitecto italiano. A súa obra non se enmarcou en ningunha das correntes artísticas europeas, aínda que se achegou á arte pobre. Cultivou, entre outras, a temática da morte e da inmortalidade física, e a fin da historia.

PERSOEIRO

Gravador, debuxante, escritor e diplomático francés. Barón de Denon, acompañou a Napoleón I na súa viaxe a Exipto e escribiu Voyage dans la Basse et la Haute-Egypte (Viaxe polo Baixo e o Alto Exipto, 1802). Entre outras obras escribiu Julie ou le bon pére (Julie ou o bo pai, 1769) e Point de lendemain (Punto de mañá, 1777). Director xeral de museos durante o consulado e o imperio de Napoleón I, organizou o Musée du Louvre e promoveu a construción da columna Vendôme.

GALICIA

Xastre, político e xornalista. Emigrou moi novo a Cuba. Foi membro fundador do Partido Autonomista Cubano e, xunto con Xosé Porrúa, fundou e dirixiu o xornal El Avisador Galaico (1878). Publicou a obra Método de corte para los sastres.

PERSOEIRO

Político. Foi membro do Partido Liberal, alcalde da cidade de Panamá (1910-1912) e presidente da Asamblea Nacional (1932). Elixido presidente en 1948, ocupou o cargo durante dez meses.

GALICIA

Militar e escritor. Comezou a carreira militar en 1836 e participou na Primeira Guerra carlista nas batallas de Galaneta, Alcora -pola que acadou a Cruz de San Fernando-, Morella e Lucena. En 1840 foi destinado a Santiago de Compostela e sete anos máis tarde participou coa expedición española na sufocación da sublevación Patuleia de Portugal (1846-1847) e despois foi nomeado capitán do batallón provincial da Coruña. Durante a súa estadía en Compostela realizou unha intensa actividade cultural, desempeñou unha das cátedras do colexio de Distinguidos de Galicia e participou na constitución da Academia Literaria de Santiago, da que chegou a ser presidente interino. Foi un dos iniciadores dos estudios sobre folclore ferrolán ao publicar en 1860 en El Eco Ferrolano unha colección de romances alusivos á súa cidade natal, fundou e dirixiu o xornal El Idólatra de Galicia (1841-1842) e colaborou con poemas e traballos históricos en varios xornais e revistas, como o aparecido no Anuario Ferrolano...

PERSOEIRO

Matemático. Doutor pola Universidade de Santiago de Compostela en Matemáticas (1984), é catedrático dende 1992 no departamento de Teoría do Sinal e as Comunicacións. Rector, dende 1998, da Universidade de Vigo. En 1990 e 1995 foi profesor visitante da University of New Mexico. Foi nomeado secretario en Europa do International Science and Tecnology Educational Consortium (ISTEC), dende a súa constitución en 1990, e presidente da Fundación Empresa-Universidade de Galicia (FEUGA) dende 1998. Entre os seus logros no campo da transferencia tecnolóxica destaca o de acadar para a Universidade de Vigo a primeira rede telemática en cooperación con universidades de Latinoamérica. Entre as súas máis de 30 publicacións, cómpre salientar os libros: Intelligent Methods in Signal Processing and Communications (Métodos intelixentes no procesamento do sinal e comunicacións, 1997), Análisis Espectral (1997), Señales y Sistemas Discretos (1998) e Desarrollo y evaluación de un sistema de cineantropometría...

CAPITAIS

Capital de Tanzania e da rexión homónima, situada no interior do país a unha altitude superior aos 1.100 m (203.833 h [estim 1988]). A partir de 1972, coa intención de emular o proceso de urbanización do interior do país que se desenvolvera no Brasil, fóronlle transferidas gradualmente as funcións administrativas capitalinas; así, dende 1996 acolle o Parlamento tanzano. Situada na antiga ruta das caravanas que comunica o Lago Tangañika e África Central co mar, Dodoma era un pequeno asentamento do pobo Gogo, pastores seminómades, que grazas a ese tránsito puido converterse nun pequeno centro comercial. Dende a segunda metade do s XIX experimentou un importante crecemento debido ao ferrocarril construído polos colonizadores alemáns, que esperaban aproveitar as vantaxes da tradición mercantil da cidade. A administración británica, que substituíu a dos alemáns ao remate da Primeira Guerra Mundial, demostrou menos interese ca estes no desenvolvemento de Dodoma como centro adminstrativo. Non...

REXIÓNS

Rexión de Tanzania (41.311 km2; 1.461.000 h [estim 1994]). A capital é Dodoma.

PICOS

Pico dos Alpes Valaisannes, en Suíza. O seu cumio acada os 4.545 m de altitude.

PERSOEIRO

Patólogo e bacteriólogo. Licenciouse en Medicina na Kiel Universitat en 1921. En colaboración cos químicos F. Mietzsch e J. Klarer, realizou unha investigación sistemática sobre as propiedades terapéuticas dunha serie de novos compostos azo sintetizados. O informe que publicou en 1932 sobre os efectos antibacterianos do prontosil inaugurou a era da terapéutica química na medicina. Ademais dos traballos sobre o tratamento das infeccións agudas, efectuou un conxunto de investigacións sobre a tuberculose e o cancro. Concedéuselle o Premio Nobel de Medicina e Fisioloxía en 1939 polo descubrimento dos efectos antibacterianos do prontosil.

PUNTA

Punta da beira setentrional da ría de Vigo, situada no litoral da parroquia de Domaio, concello de Moaña.

MONTES

Monte da península do Morrazo, situado na parroquia de Domaio, concello de Moaña. O seu cumio acada os 622 m de altitude.